அரும்புகள்

நாட்காட்டியில் ஒரு புதிர் விளையாட்டு

2011-02-23T21:52:00.001+05:30

குட்டீஸ்
காலண்டர் [நாட்காட்டி]வைத்து ஒரு சின்ன கணக்குப் புதிர் போட்டு உங்க நண்பர்களை அசத்துங்க‌

இப்படி ஒரு நாட்காட்டியை எடுத்துக் கொண்டு உங்க நண்பரிடம் ஒரு சதுர அமைப்பில் உள்ள ஏதேனும் நாலு எண்களை மனதில் நினைத்துக் கொள்ளச் சொல்லுங்க‌
படத்தில் உள்ளது போல நான்கு எண்களும் சதுர அமைப்பில் இருக்க வேண்டும்.பின்னர் அவர் மனதில் நினைத்துக் கொண்ட எண்களின் கூட்டுத் தொகையை மட்டும் உங்களிடம் சொல்லும்படி கேளுங்கள்.

அதிலிருந்து அவர் எந்த நாலு எண்களை மனதில் நினைத்தார் என்பதை நொடியில் சொல்லி விடலாம்.

உதாரணமாக படத்தில் உள்ள சதுரத்தின் கூட்டுத் தொகை=80 [16+17+23+24=80]
ஒரு சின்ன பார்முலா [சூத்திரம்] சதுரத்தின் முதல் எண்ணை n ஆக வைத்துக் கொண்டு அடுத்த‌து n+1 n+7 n+8 ஆக
                       n+n+1+n+7+n+8=(4n+16) = 80
                                                           4n = 80-16 =64
                                                                          n=64/4 =16

16 னு ஒரு எண் தெரிந்து விட்டால் 17,23,24 என சதுரத்தின் மற்ற எண்களைச் சொல்லி விடலாம்.

சின்ன அல்ஜிப்ரா கணக்குத்தான்.விளக்கம் தான் பெரிது.மனக் கணக்காப் போட்டா எளிதாகச் சொல்லி விடலாம்.

அதுசரி 16 கண்டுபிடிச்சா அது [16,17,23,24] ஆக இல்லாமல்
[16,17,9,10]     [16,15,8,9]       [16,15,22,23]

என எந்தச் சதுர அமைப்பு வேண்டுமானாலும் இருக்கலாமேன்னு சந்தேகம் வருதா? வரக்கூடாதே.....ஏன்னா கூட்டுத் தொகைக்கும் அது ஒத்து வர வேண்டும் சரிதானே...

எங்கே ஒரு நாட்காட்டியை எடுத்துக் கொண்டு உங்க மாய வித்தையைக் காட்டுங்க...இப்போ பரிட்சை நேரமில்லையா?எல்லாம் முடிந்து விடுமுறையில் விளையாடுங்க...:))

துன்பத்தை உதறித் தள்ளு...

2010-04-02T14:24:00.010+05:30

ஒரு ஊரில் சலவைத் தொழிலாளி ஒருவர் இருந்தார்.அவரிடம் வயதான கழுதை ஒன்று இருந்தது. அதற்கு வயதாகிப் போனதால் பொதி சுமக்கச் சிரமப் பட்டது.நடக்கவும் சிரமப் பட்டது. ஒருநாள் தொழிலாளி தன் கழுதையுடன் சென்று கொண்டிருந்தபோது கழுதை வழியில் இருந்த பாழடைந்த கிணற்றுக்குள் விழுந்து விட்டது.

எப்படியாவது அந்தக் கழுதையைத் தொலைத்து விட நினைத்திருந்த தொழிலாளி இதுதான் சமயமென்று நினைத்தார்.கழுதையை மேலே தூக்கிவிடாமல் அப்படியே கிணற்றில் புதைத்து விடுவோம் என அருகில் இருந்தவர்களைக் கூப்பிட்டார்.
கழுதை அப்படியே புதைந்து போகட்டும் என்று எல்லோருமாகச் சேர்ந்து மண்வெட்டி கொண்டு வந்து அருகிலிருந்த மண்ணை வெட்டிக் கிணற்றுக்குள் தள்ளினர்.
ஆரம்பத்தில் தன் மீது விழும் மண்ணைக் கண்டு திகைத்த கழுதை பின்பு சுதாரித்துக் கொண்டது.
தனக்கு நேரும் துன்பத்தை எண்ணி வருந்திக் கொண்டிருந்தால் பயனில்ல்லை.ஏதாவது செய்து தப்பிக்க வேண்டும் என நினைத்தது.
தன் மீதும் விழும் மண்ணை உடம்பைச் சிலிர்த்து உதறியபடியே கொஞ்சம் கொஞ்சமாக அடி எடுத்து வைத்து வெளியே வர முயற்சித்தது.
மேலே இருந்தவர்களும் மண்ணை வெட்டிப் போட்டுக் கொண்டேயிருந்தனர்.தப்பிக்க வேண்டுமென்ற குறிக்கோளே பிரதானமாக இருந்ததால் கழுதையும் வேகமாக மண்ணை உதறி விட்டபடி மேலே ஏறி வந்து விட்டது.
தொழிலாளியும் கழுதையின் விடாமுயற்சியில் வியந்து மனமிறங்கி தன்னுடன் அழைத்துச் செல்ல முடிவு செய்தான்.
மனிதர்களாகிய நமக்கும் பல விதங்களில் சோதனைகளும் துன்பங்களும் வந்து சேரலாம்.அதையே நினைத்து உழன்று கொண்டிராமல் அதை எல்லாம் உதறித் தள்ளி விட்டு மீண்டு வர முயற்சி செய்வதே புத்திசாலித்தனம்.

வாழ்க்கையில் எதற்கு ஆசைப் படுகிறோம்
வாழ்க்கையின் குறிக்கோள் என்ன
எதிகாலக் கனவுகள் என்ன
என்பதை விட அதை நிறை வேற்ற
என்ன செய்ய வேண்டும்
எப்படித் திட்டமிட வேண்டும்
எப்படிச் செயல்பட வேண்டும் என்பதே முக்கியம்

வாழ்க்கையின் பிரதிபலிப்பு

2009-12-26T19:58:00.009+05:30

அனைவருக்கும் இனிய புத்தாண்டு வாழ்த்துக்கள்.
நம் வாழ்க்கையும் நம்மைச் சுற்றி உள்ளவர்களும் எப்படி இருக்க வேண்டும் என்பது நாம் எப்படியிருக்கிறோம் என்பதைப் பொறுத்ததே.
ஒரு ஊர்ல ஒரு அழகான கண்ணாடி மாளிகை இருந்தது.மாளிகையின் உள்ளே எந்தப் பக்கம் பார்த்தாலும் கண்ணாடிகளே பொருத்தப் பட்டிருந்தன.
ஒரு நாள் நாய்க் குட்டி ஒன்று உள்ளே சென்று பார்த்தது.மாளிகை முழுதும் கண்ணாடி என்பதால் பார்க்கும் இடமெல்லாம் நாய்க் குட்டிகளாகத் தெரியவும் இந்த குட்டி நாய்க்கு சந்தோஷம் வந்தது.தன் வாலை ஆட்டி மகிழ்ச்சியைத் தெரிவித்தது.கண்ணாடியில் தெரிந்த நாய்க்குட்டியின் பிம்பங்களும் அதே போல வாலை ஆட்டுவதாகத் தெரிந்தது.அட்டா எத்தனை அன்பானவர்கள் நம்மைச் சுற்றி இருக்கிறார்கள்னு நினைத்தபடியே சந்தோஷமாக வெளியே ஓடியது.

அதே ஊரில் இன்னொரு நாய்க் குட்டி இருந்தது.அது கொஞ்சம் முசுடு.யாரோடும் சேராமல் தனித்தே இருக்கும்.அந்த நாய்க்குட்டியும் கண்ணாடி மாளிகையின் உள்ளே சென்று பார்க்க விரும்பியது.கண்ணாடியில் தெரிந்த அதனுடை பிம்பங்களைப் பார்த்ததும் அதற்கு பயமும் வெறுப்பும் வந்ததால் தற்காப்புக்காக முறைத்தபடியே கோபமாகப் பார்த்தது.அதனுடைய பிம்பங்களும் அவ்வாறே திரும்ப முறைக்கவும் அடடா இத்தனை எதிரிகளா எனப் பயந்து வெளியே ஓடி விட்டது.

அன்பை விதைத்தால் அன்பையே அறுவடை செய்யலாம்.வெறுப்பு ,கோபம் இவற்றை விதைத்தால் திரும்பக் கிடைப்பதும் அதுவே.நாம் என்ன செய்கிறோமே அதுவே நமக்குத் திரும்பக் கிடைக்கும்.நம் எண்ணங்களும் செயல்களுமே நம் வாழ்க்கையின் பிரதிபலிப்பு.

குருட்டு விழியும் ஓவியமும்

2009-12-15T15:53:00.004+05:30

ஒரு வசதியான பெரிய மனிதருக்கு தன்னை ஓவியமாக வரைந்து பார்க்க வேண்டும் என்று நெடுநாள் ஆசை.அவருக்கு இரண்டு கண்களில் ஒன்றில் பார்வை கிடையாது.பார்ப்பதற்கும் விகாரமாக இருக்கும்.அதனால் தன்னை யார் அழகாக வரைகிறார்களோ அவர்களுக்கு நிறைய சன்மானம் தருவதாகக் கூறினார்.ஆனால் அதே சமயம் ஓவியம் தனக்குப் பிடிக்கவில்லையென்றால் தண்டனையும் கொடுக்கப்படும் என்றும் அறிவித்தார்.
பக்கத்து ஊரிலிருந்து மூன்று ஓவியர்கள் அவரின் நிபந்தனைக்கு ஒப்புக் கொண்டு அவரின் ஓவியத்தை வரையத் தொடங்கினர்.

முதலாமவனின் ஓவியத்தில் பெரிய மனிதரின் உருவத்தை அச்சு அசலாக வரைந்திருந்தான்.அந்த ஓவியத்தில் தன்னுடைய குருட்டு விழியைப் பார்த்ததும் தன்னைக் கேலி செய்வதாகக் கோபப்பட்ட பெரிய மனிதர் அவருக்கு 50 கசையடிகள் கொடுக்க உத்தரவிட்டார்.

இரண்டாவது ஓவியனும் அவரை அப்படியே தத்ரூபமாக வரைந்திருந்தான்.ஆனால் அவரின் இரு விழிகளையும் சீர்படுத்தி குருட்டுவிழி தெரியாதபடிஅழகாக வரைந்திருந்தான்.அதைப்பார்த்த பெரிய மனிதர் உண்மையை மறைத்து பொய்யாக தன்னைச் சித்தரித்திருப்பதைக் கண்டு கோபப்பட்டு அவனுக்கு 100 கசையடிகள் கொடுக்கச் சொன்னார்.

மூன்றாவது ஓவியன் அவரின் நேரான உருவத்தை வரையாமல் பக்கவாட்டுத் தோற்றத்தை[புரோஃபைல்] வரைந்திருந்தான்.அவரின் ஓவியம் அழகாக இருந்ததோடு குருட்டு விழியும் பக்கவாட்டில் மறைத்து வரையப்பட்டதால் மனம் மகிழ்ந்த அவர் அவனுக்கு நிறைய சன்மானங்களை வழங்கினார்.

பெரிய மனிதரிடம் குறை இருந்தாலும் அதை சுட்டிக்காட்டாமலும்,பொய்யாக அதை மறைக்காமலும் ,அவரின் நிறையை மட்டுமே கண்டு கொண்டதால் மூன்றாமவனுக்கு பரிசு கிடைத்தது.

பெட்டி நிறைய முத்தங்கள்

2009-12-12T18:09:00.005+05:30

கிறுஸ்துமஸ் நெருங்கிக்கொண்டிருந்தது.
பண்டிகைக்குசெலவு செய்யப் பணம்இல்லையென்று அப்பா கவலைப்பட்டுக் கொண்டிருந்தார்.
அம்மா வீட்டில் இருந்த பொருட்களைக் கொண்டு கிறுஸ்துமஸ் மரம் அலங்கரித்தாள்.
வீட்டிலிருந்த சின்னப் பெண் தங்க நிற சரிகைத் தாளைக் கொண்டு ஒரு அட்டைப் பெட்டியை அலங்கரித்து கிறுஸ்துமஸ் மரத்தின் அடியில் வைத்தாள்.

பார்த்துக் கொண்டிருந்த தந்தைக்கு கோபம் வந்தது "கையில் சிறிதும் பணமில்லாத இந்த நேரத்தில் ஏன் இப்படி வெட்டிச் செலவு செய்கிறாய்" என மகளைக் கடிந்தார்.

மறுநாள் கிறுஸ்துமஸ்.
குட்டிப் பெண் அந்த அலங்கரிக்கப்பட்ட பெட்டியைத் தந்தையிடம் கொடுத்தாள்.

"அப்பா என்னுடைய சிறிய பரிசு உங்களுக்காக"

நெகிழ்ந்து போன தந்தை முந்தைய நாள் மகளைக் கடிந்து கொண்டதற்காக வருந்தினார்.
ஆவலுடன் தங்கச் சரிகை சுற்றிய பெட்டியைத் திறந்து பார்த்தார்.உள்ளே ஏதும் இல்லை.தந்தைக்கு மீண்டும் கோபம் வந்தது.

"முட்டாள் பெண்ணே யாருக்கேனும் பரிசளித்தால் ஏதேனும் பொருளைக் கொடுக்க வேண்டும் என்பது கூடத் தெரியாதா உனக்கு?"

அழுது கொண்டே மகள் சொன்னாள்"அப்பா இதில் என்னுடைய அன்பான முத்தங்களை நிரப்பி வைத்திருந்தேன்.என்னால் அதை மட்டுமே உங்களுக்குத் தர முடிந்தது"

மனம் நொறுங்கிப் போன தந்தை மகளைத் தன்னோடு அணைத்துக் கொண்டார்.

"என் செல்வமே இதை விடச் சிறந்த பரிசை யாராலும் தர முடியாது.உன்னைக் கோபப்பட்டு பேசியதற்கு என்னை மன்னித்து விடம்மா"என்றார்.

அதன் பிறகு அந்தப் பெட்டியை எப்போதும் தன்னோடே வைத்துக் கொண்டார்.
மகள் பெரியவளாகி மணம் முடித்துச் சென்று விட்ட பிறகும் தனக்கு மனக்கவலையோ பிரச்சனைகளோ வரும்போதெல்லாம் அவர் அந்தப் பெட்டியைத் திறந்து பார்த்து தன் மகளின் அன்பையும் அன்பு முத்தங்களையும் உணர்வதாக நினைத்துக் கொள்வார்.அவர் வேதனைகளும் தீர்ந்து விடும்.

$ & # = ! ?

2009-12-10T17:07:00.008+05:30

இ தென்ன தலைப்புல டாலர்,ஹேஷ் ,அம்பர்சண்ட் [அண்டு] குறிகள் இருக்கேவென ஆச்சரியமாகவும் கேள்வியாகவும் யோசிக்கிறீங்கதானே?
பங்க்சுவேஷன் எனப்படும் நிறுத்தல் குறிடுயீகள் எப்படி வந்ததுன்னு தெரியுமா?அதுல # $ & ! = ? போன்றவை எப்படி உருவாகின என்பது பற்றித் தெரிஞ்சுக்குவோம்.

இந்தக் குறியீட்டைப் பண்டைக்காலத்தில் பிரிட்டனில் thorpe எனப்படும் வயல்களால் சூழப்பட்ட பண்ணைகள் கிராமங்களைக் குறிக்கப் பயன் படுத்தினாங்களாம். இது எண்முக அமைப்பில் இருப்பதால் 'ஆக்டோதார்ப்' னும் சொல்வாங்க. நாம் இப்போ 'ஹாஷ்' னு சொல்லுவோம்.தொலை பேசிகளிலும் ,செல் பேசிகளிலும், கண்ணி விசை பலகையிலும் இதைப் பார்த்திருப்போம்.இதைpound sign எனவும் சொல்வாங்க.

இது அமெரிக்கப் பணமதிப்பைக் குறிக்கும் டாலர் குறியீடு என்பது தெரியும்.1700 களில் பணத்தைக் குறிப்பிட பெசோ [peso] எனப்படும் ஸ்பானிஷ் வார்த்தையே புழக்கத்தில் இருந்ததாம்.பின்னாளில் வந்த அமெரிக்க வெள்ளி டாலர்கள் அளவிலும் மதிப்பிலும் பெசோ வை ஒத்திருந்ததால் பழைய குறியீடான Ps ஐப் பயன்படுத்தி P யின் மீது S எழுதப்பட்டுப் பின் P யின் வளைவிப் பகுதி மறைந்து Sமீது ஒரு நேர்க்கோடு போல உருவானதுதான் இப்போதுள்ள இந்த டாலர் $ குறியீடு.

மேலும்[மற்றும்] என்பதை ஆங்கிலத்தில் குறிக்கும்[ ampersand.] என்பது லத்தீன் மொழியில் et எனப்படும்.இதுவே பின்னர் உரு மாற்றம் பெற்று . and என அழைக்கப்படுகிறது.

et எப்படி உருமாறி & amp; ஆகுது பாருங்க.

1557ல் ராபர்ட் ரெக்கார்டே என்கிற ஆங்கில கணிதவியலார் ஒருவர்தான் இந்த சமம் எனப்படும் 'ஈக்குவல்' குறியீட்டைக் கண்டு பிடிச்சார்.அப்போதைய அதன் அளவு இப்போது இருப்பதை விட = ஐந்து மடங்கு நீளமாக இருக்குமாம்.இப்படி {=====} :))
ஆனால் இதை அங்கீகரிக்கப் பல நூற்றாண்டுகள் ஆனதாம்.

இவ்வளவு நேரம் இந்தப் பதிவைப் படிக்கும் வரை உங்க மனதிலும் இந்தக் குறிதானே இருந்தது.:)) மற்ற பல குறியீடுகளைப் போல இதுவும் லத்தின் மொழியிலிருந்து வந்ததுதான்.'question' எனப்படும் 'questio' என்ற வார்த்தை ஒரு வாக்கியத்தின் முடிவில் வரும் போது கேள்வி கேட்பதாக பதில் வேண்டி நிற்கும்.இதைச் சுருக்கி qo என எழுத அது வாக்கியத்தின் முற்றுப் புள்ளி போலவும் தவறுதலாக பொருள் கொள்ளப்பட்டதால்.q மேலேயும் o கீழேயுமாக எழுதப்பட்டு உருமாறி இப்போதுள்ள கேள்விக்குறி? போல ஆகி விட்டது.

exclamation point எனப்படும் இந்த ஆச்சர்யக்குறி io எனப்படும் லத்தீன் வார்த்தையில் இருந்து வந்தது..io என்றால் ஆச்சர்யம் சந்தோஷம் என்று பொருள். இங்கும் எழுத்துக்களைச் சுருக்கி எழுத வேண்டி i ஐ மேலேயும் o வைக் கீழேயும் நீள் வாக்கில் எழுத அதுவே ! குறியாகிப் போனது.

அட இந்தப் பதிவைப் படித்த பின்னர் உங்க மனசுல !!!தானே???

பாக்லர்ஸ் [bogglers]

2009-12-07T16:24:00.045+05:30

பாக்லர்ஸ்(bogglers) என்பது காட்சி சார்ந்த ஒருவகையானப் புதிர்ப் படங்கள்.நாம் சொல்ல விரும்பும் ஒரு ஆங்கில வார்த்தையையோ அல்லது சொற்றொடரையோ ஒரு படத்தின் மூலம் விளங்கிக் கொள்ளச் செய்யும் மூளைக்கான ஒரு விளையாட்டு.
முழுக்க முழுக்க வேடிக்கையான அதே நேரம் சிந்தனையைத் தூண்டி நம்மை மண்டையைக் குழப்பும்?:)) ஒரு வார்த்தை விளையாட்டு.
என்னுடைய இன்னொரு வலைப் பதிவில் இதுபோல ஒரு இடுகை ஏற்கனவே எழுதியிருக்கிறேன்.

கீழே உள்ள படங்களைப் பார்த்து அவை எந்த வார்த்தை அல்லது சொற்றொடரைக் குறிக்கின்றன என்பதைக் கண்டு பிடிக்க முயற்சி செய்யுங்க.
தெரியாதவற்றைக் கீழே உள்ள பதில் மூலம் தெரிஞ்சுக்கங்க.சரியா?

answers:

working around the clock
Falling Asleep.
Fill in the Blanks.
Forward Thinking
See Eye to Eye
Sit down and Shut up
some where over the rainbow
Rising Tide
The Pen is mighter than the Sword
i forgot to call
First Lady
you 're under arrest
fo(u)rgive and forget
Just between You and Me
Multiplication Tables
you are on time

வாழ்த்துக்கள்

2009-11-28T13:51:00.002+05:30

நண்பர்கள் அனைவருக்கும்
தியாகத்திருநாள் வாழ்த்துக்கள்

பதிவிட்டவர்:

பூப்பூவா.... பூத்திருக்கு

2009-09-03T09:44:00.006+05:30

குட்டீஸ்
பூக்களையும் பூந்தோட்டத்தையும் யாருக்காவது பிடிக்காமல் போகுமா?
உங்க பூந்தோட்டத்தை நீங்களே உருவாக்கலாம்.
கீழே உள்ள சுட்டியைக் கிளிக்கிப் பாருங்க.
பூந்தோட்டம்
என்ன திரை வெறுமையா இருக்கா?
உங்க எலிக்குட்டியை அங்கு இங்கும் நகர்த்தி சொடுக்குங்க.
எத்தனை அழகான பூந்தோட்டம் நீங்களே உருவாக்கியது பாருங்க.
மகிழ்ச்சிதானே

தொடர் எண்கள் புதிர்

2009-08-20T14:02:00.004+05:30

1
11
21
1211
111221
312211
13112221
1113213211
இந்த வரிசையில் அடுத்து வரக்கூடிய வரிசை எண்களைக் கண்டு பிடியுங்கள்.
2
12
1112
3112
132112
1113122112
311311222112
இந்த தொடரிலும் அடுத்து வரக்கூடிய வரிசைஎண்களைக் கண்டுபிடியுங்கள்
கண்டுபிடித்து விட்டால்,இது போன்ற எண்களின் தொடர் வரிசையை நீங்களே உருவாக்கலாம்.எத்தனை வரிசைகள் வேண்டுமென்றாலும் எழுதலாம்.

புதிர் விடை:கீழே
.
.
.
.
.
.
.
.
.
.
ஹூம் ஹூம் சொல்ல மாட்டேன்.முயற்சி செய்யுங்கள்.மிக எளிதுதான்.இல்லையென்றால் பிறகு சொல்கிறேன்.

TFM

2009-08-19T12:57:00.003+05:30

சமீப காலமாக சன் தொலைக்காட்சியில் வரும் ஒரு குளியல் சோப்பு விளம்பரம் பார்த்திருப்பீங்க.
நடிகை தமன்னா கிறங்கடிக்கும் குரலில் 'நேச்சர் பவர் சோப்பின் பியூட்டி' எனப் பாடும் விளம்பரம்.பாடலின் முடிவில் 76%TFM இருக்குன்னு முடிப்பார்.
பொதுவா சோப்பு விளம்பரங்களில் நறுமணம்,அழகைக் கூட்டும் தன்மை மட்டுமே பிரதானமாகக் கூறப்படும்.இது என்ன புதிதாக டிஃஎபெஎம் எனத் தெரிந்து கொள்வோம்.
டிஃஎப் எம் [TFM]என்பது குளியல் சோப்பில் உள்ள மொத்த கொழுப்புச் சத்தின் அளவு[Total Fatty Matter].
சோப்பு என்பதே தாவர கொழுப்பு எண்ணைகளிலிருந்து கிடைக்கும் பொருள்தான்.இதில் உள்ள கரிம அணுக்களின் எண்ணிக்கை 15 க்கு மேல் 35 வரையில் இருப்பதால் இவை உயர் கொழுப்பு எண்ணைகள் எனப்படும்.இந்த கொழுப்புச் சத்தின் அளவீட்டைத்தான் டிஃஎபெம் என்கிறோம்.
இயற்கையான தாவரக் கொழுப்புடன் செயற்கைக் கொழுப்புப் பொருளும் சேர்ந்ததுதான் TFM எனப்படும்.இதுவே சோப்பு நீரில் கரையும் போது அதிக அளவு நுரையைத் தருகிறது.
பொதுவாக சோப்பில் 70 முதல் 80 சதவீதம் கொழுப்புபொருளும் 10 முதல் 16 சதவீதம் ஈரப்பதமும் இருக்கும்.
டிஃஎபெம் அளவு 80% க்கு மேல் உள்ளவை உயர்ரக சோப்புகளாக கருதப்படும்.
65-80%உள்ளவை இரண்டாவது ரகமாகக் கருதப்படும்.
சில மூலிகை ஆயுர்வேத சோப்புகள் விதி விலக்கு.
நல்ல தரமான சோப்பில் டிஃஎப் எம் அதிகம் இருக்கும்.
பல நல்ல தரமான சோப்புகள் சந்தையில் கிடைக்கின்றன.மருத்துவர்களாலும் பரிந்துரைக்கப் படுகின்றன.
அதற்காக எல்லாவிதமான சோப்புகளையும் மாற்றி மாற்றி வாங்கி உபயோகிப்பது நல்லதில்லை.மருத்துவர்கள் கூட ஏதேனும் ஒரே வகை சோப்பையே பயன்படுத்த வேண்டுமென அறிவுறுத்துவார்கள்.
நம் உடலின் துர்நாற்றத்திற்கு பாக்டீரியாக்களே [நுண்ணுயிரிகள்]காரணமாகின்றன.இதில் நல்ல வகை கெட்டவகை இரண்டும் உண்டு.எந்த சோப்பும் குறிப்பிட்டவகை பாக்டீரியாவை மட்டுமே அழிக்கக்கூடியதாக இருப்பதில்லை.ஆனால் குறிப்பிட்ட ஏதேனும் ஒரு வகை சோப்பை மட்டுமே பயன்படுத்தும் போது தோல் அதற்கு தகுந்தவாறு ஒத்திசைகிறது.அடிக்கடி சோப்பை மாற்றுவதால் அதில் உள்ள கொழுப்புக் கலவைகள் வேதிப் பொருட்களின் மாறுபாட்டால் தோலில் ஒவ்வாமை ஏற்பட்டு முகப்பரு,தேமல் போன்ற தோல் வியாதிகளுக்கு காரணமாகிறது

இனி குளியல் சோப் வாங்கும் போது எத்தனை சதவீதம் டிஃஎப்எம் எனப் பார்ப்பீங்க தானே

யோசித்து... செயல்படு

2009-08-05T13:25:00.007+05:30

குழந்தைகளே!
நாம் ஏதாவது செய்யும்போது பலபேர் பலவிதமாக பேசுவார்கள்.ஒருவருக்கு சரியென்று படுவது இன்னொருவருக்குத் தப்பாகத் தெரியலாம்.அதனால் நமக்கு எது சரியென்று தேன்றுகிறதோ அதை மட்டுமே செய்ய வேண்டும்.அப்படி நடந்த ஒரு வேடிக்கையைப் பாருங்கள்.

ஒரு தந்தையும் மகனும் ஒரு கழுதையை ஓட்டிக் கொண்டு கடைவீதி வழியாகச் சென்று கொண்டிருந்தனர்.
அதைப்பார்த்த ஒருவர் 'கழுதை சும்மாதானே செல்கிறது.யாராவது ஒருவர் அதன் மீது ஏறிச் செல்லலாமே' என்றார்.
அதுவும் சரியென்று தந்தை மகனை கழுதையின் முதுகில் ஏற்றி விட்டார்.
கொஞ்ச தூரம் போனதும் எதிரே வந்த ஒருவர்,'ஏனப்பா வயதான தந்தையை இப்படி நடக்க வைத்து விட்டு,நீ கழுதையின் மேல் அமர்ந்து செல்வது நியாயமா?' எனக் கேட்டார்.
உடனே மகன் கீழே இறங்கிக் கொண்டு தந்தையை கழுதை மீது அமரச் சொன்னான்.
தந்தையும் அவ்வாறே செய்தார்.இப்படியாக இன்னும் கொஞ்ச தூரம் பயணித்த பிறகு,
இன்னொருத்தர் பார்த்து தந்தையைக் கடிந்து கொண்டார்.
'ஏனய்யா இப்படி சின்ன பிள்ளையை நடக்க விட்டு நீங்கள் கழுதை மேல் பயணிக்கலாமா?'என
தந்தையும் மகனும் ஆளாளுக்கு இப்படிச் சொல்கிறார்களே என்ன செய்வது என பலவாறாக யோசித்து முடிவில் இரண்டுபேருமே ஏறிச் செல்வோம் என கழுதையிம் முதுகில் ஏறிக் கொண்டனர்.

இரண்டு பேருமாக கழுதை மீது அமர்ந்து செல்வதைப் பார்த்த சிலர்,'அடக் கொடுமையே இப்படியா இந்த வாயில்லா பிராணியைத் துன்புறுத்துவார்கள்.இவர்களுக்கு இரக்கமே இல்லையா'?என எள்ளி நகையாட,
மனம் குழம்பிப் போன தந்தையும் மகனும் கழுதையை விட்டு இறங்கியதோடு இல்லாமல்,இருவருமாகச் சேர்ந்து கழுதையைத் தூக்கி தோளில் சுமந்தபடியே நடக்கத் தொடங்கினர்.
இதைகண்டதும் அங்கிருந்தவர்கள் ' இதென்ன கூத்து! இப்படியுமா முட்டாள்கள் இருப்பார்கள் என ஓஹோ என' கூச்சலிட்டு நகைக்கவும் அரண்டு போன கழுதை கீழே குதித்து அவர்களையும் கீழே தள்ளி விட்டு ஓட்டமெடுத்தது.

இப்படி சுயமாக சிந்தித்து முடிவெடுக்காமல் அடுத்தவர் சொல்வதைக் கேட்டதால் தங்களுக்கு அடிபட்டதோடு கழுதையும் ஓடிப் போய்விட்டதே எனக் கவலை பட்டபடியே நடந்தனர்.

எல்லோரையும் ஒரே நேரத்தில் திருப்திபடுத்துவது என்பது இயலாத காரியம்.எடுப்பார் கைப்பிள்ளையாக இருக்காமல் நாமாகவே நல்லது எது கெட்டது என்பதை யோசித்து ஒரு காரியத்தில் இறங்க வேண்டும்.

நான் யார்?

2009-07-24T16:32:00.016+05:30

குட்டீஸ்!உங்களுக்காக சில புதிர்கள்.

1.என்னை சத்தமாக அழைக்கும்போது காணாமல் போயிருப்பேன்
நான் யார்?

2.நான் நானாக இருப்பேன்
நான் யாரென்று தெரிந்த பிறகு நானாக இருக்க மாட்டேன்
நான் யார்?

3.பசிக்கு தீனி தந்தால் குஷிதான்.
தாகத்துக்கு நீர் தந்தால் ஓடிவிடுவேன்
நான் யார்?

4.நான் இருந்ததில்லை ஆனாலும் இருப்பவனாக இருப்பேன்.
என்னை யாரும் பார்த்ததில்லை பார்க்கும் முன் பழசாயிருப்பேன்
என்னை நம்பியே இந்த உலகமும் ,மக்களும் நல்லது நடக்குமென
நான் யார்?

5.உனக்கு முன்னாலும் போவேன் பின்னாலும் தொடர்ந்து வருவேன்.
ஆனால் ஒருபோதும் மேலே போக மாட்டேன்

6.என் உடல் முழுவதும் காற்று
ஆனாலும் நான் சுவாசிக்க மாட்டேன்
நான் யார்?

7.என்னைத் தெரியாத போது தெரிந்து கொள்ளும் ஆவல்.
தெரிந்த பிறகு பகிர்ந்து கொள்ளும் ஆசை.
நான் மறைக்கப்பட வேண்டியவன்.
நான் யார்?

8.நொடியில் ஒருமுறை வருவேன்.
வாரத்தில் இரண்டு முறைவருவேன்
மாதத்தில் வராமலே இருப்பேன்
நான் யார்?

9.மேலே மட்டுமே போவேன்;கீழே வரமாட்டேன்
நான் யார்?

10.ஏழைகளிடம் இருப்பவன்;பணக்காரர்களுக்குத் தேவைப்படுபவன்
நான் யார்?
*
*
*
*
*
*
*
*

*
*
*
*
*
*
*
*
*

*
*
*
*
*

*
*
*
*
*

*

*

*

*

*

*

*

**புதிருக்கான விடைகள்:
1.மவுனம் 2.புதிர் 3.தீ 4.நாளை 5.நிழல் 6.பலூன் 7.இரகசியம் 8.'e'என்ற ஆங்கில எழுத்து
9.வயது 10.ஒன்றுமில்லை

ட்ரூடுல்ஸ்..[Droodles]..கோட்டுச் சித்திரப் புதிர்கள்

2008-11-20T16:00:00.001+05:30

கீழே உள்ள படத்தை பாருங்க.இது என்னன்னு கேட்டா நாலு செவ்வகப் பட்டையும் நடுவில் ஒரு சின்ன வட்டமும் என்று சொல்வீங்க.
ஆனா இது நாலு யானைகள் ஒரு ஆரஞ்சுப் பழத்தைப் பார்க்கின்றன என நான் சொன்னால் சிரிப்பீங்கதானே
இப்படிச் சொல்வதுக்குப் பேர்தான் 'ட்ரூடுல்ஸ் ' புதிர் னு பேர்.

ட்ரூடுல்ஸ் என்றால் என்னன்னு தெரியுமா உங்களுக்கு?ஒருவிதமான கோட்டுச் சித்திரங்கள் புதிர்களாக பயன்படுவது.உண்மையில் இவை அர்த்தமற்ற கிறுக்கல்கள்தான்.
உங்க வகுப்பில் ஆசிரியர் பாடம் நடத்தும் போது 'போர்' அடிச்சா என்ன செய்வீங்க?இல்லை வேலை எதுவும் இல்லாம சும்மா இருக்கும் போதோ அல்லது ஏதோ சிந்தித்தபடியே இருக்கும் போது உங்க கையில் ஒரு பேப்பரும் பேனாவும் அல்லது பென்சிலோ கிடைத்தால் எதையாச்சும் கிறுக்குவீங்கதானே. பிறகு அது என்னன்னு பார்த்தா ஆளுக்கொரு விதமா தோன்றும்.அதுக்குத்தான் 'டூடுல்ஸ்' [doodle]னு பேர்.

வீட்டில் போன் பேசும் போது சிலபேர் போன் புத்தகத்தில் எதையாவது வரைவாங்க.சில மாணவர்கள் வகுப்பில் எதையாவது கிறுக்கி ஒரு அவுட்லைன் போல கோடுகள் வரைந்து இது கணக்கு வாத்தியார் இது தமிழ் அய்யா னு குறும்பு செய்வாங்க.
இந்த மாதிரி அர்த்தமற்ற கிறுக்கல்களுக்கு கோட்டுச் சித்திரங்கள் [டூடுல்ஸ்]னு பேர்.
அதையே ஒரு 'புதிர்' [riddle] போல மாற்றி என்னன்னு கண்டு பிடிக்கச் சொன்னால் அதுக்குத்தான் ட்ரூடுல்ஸ் னு பேர்.

டூடுல்ஸ் [doodles] +ரிடில்ஸ் [riddles]=ட்ரூடுல்ஸ் [droodles] சரியா?

இதை முதன் முதலில் அறிமுகப்படுத்தியவர் ரோஜர் ப்ரைஸ் என்னும் காமெடி எழுத்தாளர்.1950 களில் இது குறித்த புத்தகங்களை எழுதினார்.பின்னர் லியனார்ட் ஸ்டெர்ன் என்னும் தன் நண்பருடன் சேர்ந்து மேட் லிப்ஸ் [mad libs] என்னும் கதை சொல்லும் விளையாட்டை உருவாக்கினார்.
அந்தக் காலத்துல தமிழ்வாணன் என்ற தமிழ் நாவலாசிரியர் கூட தன் துப்பறியும் கதைகளில் இப்படி கோட்டுச் சித்திரங்களைப் பயன்படுத்தியிருக்கார்.
பின்னர் தொலைக்காட்சிகளில் 'கேம் ஷோ' எனப்படும் நிகழ்ச்சிகளில் இந்த ட்ரூடுல்ஸ் பிரதான இடம் பிடித்தது.நோட்டுப் புத்தகங்கள் சுவர் விளம்பரங்கள் ஷாப்பிங் பைகள் எல்லாவற்றிலும் இந்த கிறுக்கல் சித்திரங்கள் இடம் பிடித்தன.

முதலில் பார்க்கும் போது அர்த்தமற்ற கிறுக்கள்களாக தெரிந்தாலும் உற்று நோக்கும் போது ஒவ்வொருவருக்கும் ஒவ்வொரு விதமாகத் தெரியும் எனவே இந்த வகைப் புதிர்களுக்கு ஒன்றுக்கு மேற்பட்ட சரியான 'பதில்கள்' இருக்கக் கூடும்.
இந்த வகை விளையாட்டுக்கள் ஞாபக சக்தி,கற்பனைத் திறன்,புதுப் புது சிந்தனைகளை வளர்க்க உதவும்.

உங்க பார்வைக்கு சில கீழே உள்ளன.

இது ஒரு பட்டர்ப்ளை கம்பியில் ஏறுகிறது [அ] ஒரு முக்கோணத்தின் பிம்பம் கண்ணாடியில் தெரிகிறது னும் சொல்லலாம்.

இது i என்ற எழுத்தின் நிழல் [அ] ஐ ஷேடோ [ஒரு முக அலங்காரம்]

இது நேரம் ஐந்து எனச் சொல்கிறது

இது தொப்பி அணிந்த உருவம் [அ] முறுக்கி விடப்பட்ட மீசை

இது கண் பரிசோதனை ஆஸ்பிட்டலில் உள்ள பலகை
[அ] இதில் L என்ற எழுத்து இல்லை.எனவே NO 'L' ஆகும். Noel என்றால் கிறிஸ்துமஸைக் குறிக்கும்.
இது ஒரு கண்ணாடி [அ] மழைத் துளிகள்
இது நீர் தேங்கிய குட்டை [அ] முட்டை தோசை
இது பாரா சூட் [பாதி விலையில் கிடைக்கிறதாம் ஹாஹா]
இது ஹீரோவும் வில்லனும் [அ]நன்மையும் தீமையும் [இடத்துக்குத் தக்கவாறு]
இது டூத் பிரஷ் [அ] ஷூ பாலிஷ் பிரஷ் [அ] தடுப்பு சுவர்[வேலி]
என்ன சுவாரஸ்யமா இருக்கா?சரி .
கீழே கட்டத்தில் உள்ள வரை படங்களைப் பயன்படுத்தி ஒவ்வொருவரும் அவரவர் கற்பனைக்கு ஏற்ப மாற்றி அமைத்து நிறைய புதுப் புது ட்ரூடுல்ஸ் உருவாக்கலாம்.உங்க நண்பர்களோடு விளையாடலாம்.[விடுமுறையில்]

காட்சிப்பிழை

2008-11-12T16:07:00.015+05:30

குட்டீஸ்!
காட்சிப்பிழை அல்லது தோற்றப்பிழை என்றால் என்னெவென்று தெரியுமா உங்களுக்கு?அடைத்தான் ஆங்கிலத்தில் 'இல்யூஷன்' 'ஆப்டிகல் இல்யூஷன்' னு சொல்வாங்க.
இங்க கீழேயிருக்கும் படத்தைப் பாருங்க.ஆப்டிகல் இல்யூஷ்ன்னு எழுதியிருக்கா?அதையே இன்னும் கொஞ்சம் கூர்ந்து பாருங்க. ஆப்டிகல் என்று தோன்றும்.

முதல் பார்வையில் சட்டென்று ஒரு தோற்றமும்,கூர்ந்து நோக்கும் போது வேறு தோற்றமும் புலப்படும் நிலைதான் இல்யூஷன் எனப்படுவது.
நமது மூளையும் கண்களூம் சேர்ந்து நம்மை ஏமாற்றும் வேலைதான் அது.
பொதுவாக நமது மூளை எதையும் இப்படித்தான் இருக்கும் என்ற ஒரு எதிர்பார்ப்புடனே பார்க்க முனையும் போது கண்களும் அத்துடன் ஒத்துழைத்து பிம்பத்தை புலப்படச் செய்கின்றன.
கீழே உள்ள படங்களில் முதல் படத்தில் TEACHஎன்றும் இரண்டாவது படத்தில் ME என்றும் இருப்பது கூர்ந்து பார்த்தால் LEARN என்றும் YOU என்றும் தெரியும்.

இப்படித்தான் இல்லாததை 'இருப்பதாக கற்பனை 'செய்வதில் மூளைக்கு பெரும்பங்கு இருக்கிறது என்றால் அதற்கு 'ஆமாம் சாமி' போடுவது நம் கண்கள்.
இரவு நேரத்திலும் இருட்டான வேளைகளிலும் 'பேய் பிசாசு இருப்பதாக கற்பனையான எதிர்பார்ப்புடன் நாம் பார்க்க,ஏதேனும் நிழல் தெரிந்தால் கூட கண்கள் அதை பேய்போல சந்தேகத்துடன் பார்க்க பயப்படுகிறோம்.
கீழே உள்ளப் படத்தைப் பாருங்க...
எந்தப் படமும் அசைவதில்லை.அனிமேஷனும் இல்லை.ஆனாலும் உற்று நோக்கினால் சுழல்வது போலத் தோன்றும்.

ஆனால் இந்த மூளையும்,கண்களும் இப்படியாக 'கூட்டு சதி'செய்வதால்தான் தொலைக்காட்சிகளிலும்,கணிணித் திரையிலும் நம்மால் பிம்பங்களையும்,அசையும் படங்களையும் பார்க்க முடிகிறது.
என்ன குட்டீஸ் இப்பவே கண்ணைக் கட்டுதா?

அத்திரி பாச்சா கொழுக்கட்டை

2008-05-23T15:20:00.007+05:30

குட்டீஸ்
நல்லா இருக்கீங்களா?விடுமுறையெல்லாம் இனிமையாக கழிந்திருக்கும் என்று நம்புகிறேன்.நானும் அதிக வேலை காரணமாக பதிவு போட முடியலை.
இதோ ஒரு குட்டிக் கதையுடன் உங்களைச் சந்திக்கிறேன்...

ஒரு ஊரில் ஒரு வியாபாரி இருந்தான்.அவனுக்கு பக்கத்து ஊரில் பெண்ணெடுத்து திருமணம் செய்து வைத்தனர்.
வியாபார விஷயமாக அவன் வெளியூர் சென்று விட்டதால் திருமணம் முடிந்து பலநாள் ஆகியும் அவனால் தன்னுடைய மாமியார் வீட்டுக்கு விருந்துக்குப் போக இயலவில்லை.

பின்னர் ஒருமுறை அவன் வியாபாரம் செய்ய சென்ற ஊரிலிருந்து மிக பக்கமாக அவனுடைய மாமியார் வீடு இருந்ததால் மனைவி இல்லாமல் தான் மட்டும் தனியாக அங்கு போயிருந்தான்.
வெகுநாள் கழித்து விருந்துக்கு வந்த மருமகனை மாமியாரும் நன்கு உபசரித்தாள்.வேளைக்கு ஒரு பலகாரம் செய்து அசத்தினாள்.

அதில் மருமகனுக்கு மாமியார் செய்து கொடுத்த கொழுக்கட்டையே மிகவும் பிடித்தமானதாக இருந்தது.மேலும் மேலும் வேண்டுமென்று கேட்டு வாங்கிச் சாப்பிட்டவன் இதுவரை தன் மனைவி அதைச் செய்து தந்ததில்லை என்று அதன் பெயரைக் கேட்டுத் தெரிந்து கொண்டான்.
விருந்துக்குப் பிறகு கிளம்பியவன் மறந்து விடக்கூடாது என அந்த பலகாரத்தின் பெயரையே மனனம் செய்து உச்சரித்தபடியே நடந்தான்.

வழியில் குறுக்காக ஒரு வாய்க்கால் இருந்தது.அதைத் தாண்டிச் செல்லும் நோக்கில் குதித்தவன் சட்டென்று 'அத்திரி பாச்சா' என்றான்.
மிகப் பிரயத்தனப் பட்டு கடினமான ஒரு வேலையைச் செய்பவர்கள் இப்படி ஏதாவது வார்த்தையைப் பயன்படுத்துவார்கள்.அது போல இவன் வாய்க்காலைத் தாண்டும் போது 'அத்திரி பாச்சா'எனக் கூற பிறகு கொழுக்கட்டைப் பேரை மறந்து அத்திரி பாச்சா எனக் கூறிக் கொண்டே வீட்டுக்குச் சென்றான்.

மனைவியிடம் மாமியார் செய்து தந்த பலகாரத்தின் சுவையை சிலாகித்துக் கூறியவன் எனக்கு அதே போல அத்திரி பாச்சா செய்து கொடு என்றான்.
மனைவி குழம்பிப் போனாள்.இதென்ன புதுப் பேராக உள்ளது.இப்படியொரு பலகாரம் எனக்குத் தெரியாதே என்றாள்.

கணவன் திரும்பத் திரும்ப அந்தப் பேரைச் சொல்ல மனைவி தெரியாது என்றே கூற கோபமான அவன் அவள் கன்னத்தில் ஓங்கி அறைய கன்னம் வீங்கிப் போனது.

இதைப் பார்த்த அவன் அம்மா அடப்பாவி இப்படி அடித்து கன்னம் கொழுக்கட்டை போல் வீங்கி விட்டதே என
அவன் சந்தோஷத்தில் குதித்தபடி அதேதான்....அந்தப் பேர்தான் கொழுக்கட்டை ...கொழுக்கட்டை என்று குதித்தான்.
இவ்வளவு நேரமும் கணவன் கொழுக்கட்டை என்பதைத்தான் பேரை மறந்து அத்திரி பாச்சா என்றான் என்பதை புரிந்து கொண்டவள் அவனுக்கு நிறையச் செய்து கொடுத்தாள்...

குட்டீஸ் உங்களுக்கும் [அத்திரி பாச்சா] கொழுக்கட்டை பிடிக்கும் தானே?

மழலையர் பாடல்கள் தொகுப்பு-9

2008-04-06T16:44:00.012+05:30

ஒன்னு ரெண்டு மூனு நாலு
எண்ணிச் சொல்லு குட்டித் தம்பி
கையைக் காலை தூக்கி நானும்
செய்திடுவேன் உடற்பயிற்சி
சோம்பித் திரிந்த காலம் போச்சி
சுறுசுறுப்பு கூடிப் போச்சி

பொறியில் வைத்த வடை வேண்டாம்
ஊசிப் போயி நாளாச்சு
தட்டில் வைத்துத் தாருங்கள்
சமர்த்தாய் நானும் தின்றிடுவேன்

கொட்டும் மழையும் ஓய்ந்ததே
கோடை வெயில் தகிக்குதே
சுற்றிச் சுழலும் மின்விசிறி
சுகமாய்க் காற்றைத் தருகிறதே

அரச மரமும் அலுத்துப் போச்சு
தெருக்கோடியும் திகட்டிப் போச்சு
கம்ப்யூட்டர் காலமாச்சு
கணபதிக்கும் தேவையாச்சு
வலையுலகம் வந்துட்டாரு
பதிவெழுத தொடங்கிட்டாரு

குட்டீஸ்களுக்கு சில பாதுகாப்புக் குறிப்புகள்

2008-03-30T10:30:00.001+05:30

குட்டீஸ் ! கோடைகாலம் ஆரம்பிச்சுடுச்சு. நீங்களும் தேர்வுகள் எல்லாம் முடித்துவிட்டு சுட்டித்தனமா சுற்றுவீங்க இல்லையா? எப்பவும் அப்பா, அம்மா உங்களையே கவனித்துக் கொள்ளமுடியாது இல்லையா? இதோ நீங்களே பின்பற்ற உங்களுக்காக சில பாதுகாப்பு வழிமுறைகள்.

* அப்பா, அம்மா அலுவலகம் போயிருக்கும் போது நீங்கள் எங்கேயாவது வெளியே போகணும்னா தனியாக எங்கேயும் செல்லாதீர்கள். முதலிலேயே அப்பா, அம்மாவிடம் சொல்லி அவர்கள் சொல்லும் நபர்கள் கூட மட்டுமே வெளியே செல்லுங்கள். உதாரணமா மாமா, சித்தப்பா இப்படி தெரிந்தவர்கள் கூட மட்டும்தான் போகவேண்டும்.

* அப்பா, அம்மாவிடம் அனுமதி வாங்கிவிட்டு உங்கள் நண்பன் அல்லது தோழி கூட விளையாடுங்கள். வெளியே செல்லுங்கள்.

* வெளியே செல்லும் போது தெரியாத நபர்கள் தரும் பரிசுப்பொருட்கள், உணவுப் பொருட்கள், சாக்லேட், ஐஸ்க்ரீம் எதுவும் வாங்கி சாப்பிடாதீர்கள்.

* அப்பா, அம்மா அலுவலகம் போயிருக்கும் போது வீட்டில் தனியே இருக்க நேர்ந்தால் எப்பவும் கதவைப் பூட்டியே வைத்திருங்கள். யாராவது வீட்டிற்கு வந்தால் கதவைத் திறக்காமல், ஜன்னல் அல்லது வியூ மிரர் மூலம் பார்த்து வந்திருப்பவர் உங்களுக்குத் தெரிந்தவராக இருந்தால் மட்டும் அவரிடம் பேசவும். இல்லையெனில் பயப்படாமல் உங்களுக்குத் தெரிந்த பக்கத்து வீட்டு அங்கிள், ஆன்ட்டியை சத்தம் போட்டுக் கூப்பிட்டு விசயத்தைச் சொல்லுங்கள்.

* எந்த ஒரு பொது இடத்துக்கும் ஷாப்பிங் மால், பார்க்கிற்கு எல்லாம் தனியே செல்லாதீர்கள். உங்கள் நண்பன் அல்லது தோழியுடன் அப்பா, அம்மாவின் அனுமதியுடன் செல்லுங்கள்.

* வெளியிடங்களுக்குச் செல்லும் போது நீங்கள் நண்பன், தோழியை தவறவிட்டு விட்டதாகத் தோன்றினால் பதட்டப்படாமல் நீங்கள் ஒரு பொதுவான இடத்தில் காத்திருங்கள். நீங்களாக அவர்களைத் தேடிச்செல்ல வேண்டாம்.

* முக்கியமாக எப்பவும் அப்பா, அம்மாவின் மொபைல் போன் எண்களை வாங்கி வைத்திருங்கள். நீங்கள் ஒரு தெரியாத இடத்துக்குச் சென்று விட்டதாக உணர்ந்தால் உடனே அருகில் இருக்கும் நம்பத்தகுந்தவர்களிடம் சொல்லி உங்கள் அப்பா, அம்மாவுக்குத் தொடர்பு கொண்டு விசயத்தைச் சொன்னால் அவர்களால் கண்டிப்பாக உங்களுக்கு உதவ முடியும்.

* முன்பின் தெரியாதவர்கள் உங்கள் பெயரைச் சொல்லி அழைத்தாலோ, ஏதும் பரிசுப் பொருட்கள் தந்தாலோ 'உங்களை எனக்குத் தெரியாது' என்று சொல்லி ஏற்க மறுத்துவிடுங்கள்.

* முன்பின் தெரியாதவர்கள் கார் அருகில் உங்களை அழைத்தாலோ, உங்களைக் காரினுள் ஏறச் சொன்னாலோ போகாதீர்கள்.

* உங்களுக்கு யார் மீதாவது சந்தேகம் தோன்றினால் 'உங்களை எனக்குத் தெரியாது' 'எனக்கு வேண்டாம்' 'நீங்கள் யார்?' என்று தைரியமாக யாரிடமும் சொல்லுங்கள்.

தைரியம்தான் எல்லாருக்கும் முக்கியம் குட்டீஸ் ! கோடைகாலத்தை இனிமையாகக் கழிப்போம் சரியா? :-)

மழலையர் தமிழ்ப்பாடல்கள் தொகுப்பு-8

2008-03-29T16:06:00.013+05:30

நத்தையாரே...நத்தையாரே
அத்தை வீடு பயணமோ
அத்தை வீடு போக முதுகில்
தண்ணீர் குடம் வேணுமோ
அத்தை வீடு போகும் வழியில்
தாகம் எடுக்குமே அதனால்
தண்ணீர் குடம் முதுகில்
நானும் சுமந்து போகிறேன்
காகம் ஒன்று வந்ததாம்
தாகத்தினால் தவித்ததாம்
சுற்றும் முற்றும் பார்த்ததாம்
ஜாடி ஒன்றைக் கண்டதாம்
அந்த ஜாடி அடியிலே
கொஞ்சம் தண்ணீர் இருந்ததாம்
சிறிய சிறிய கற்களைப்
பொறுக்கிப் பொறுக்கி போட்டதாம்
தண்ணீர் மேலே வந்ததாம்
தாகம் தீர குடித்ததாம்.

பச்சைக்கிளியே பறந்து வா
பாலும் சோறும் திங்க வா
பாப்பா உன்னைப் பார்த்ததும்
பாடி ஆடி சிரிக்குதே
கொய்யாப்பழமும் நான் தருவேன்
கொஞ்சி நீயும் பேச வா
நெல்லும் மணியும் நான் தருவேன்
நித்தம் நீயும் ஓடி வா

மழலையர் பாடல்கள் தொகுப்பு-7

2008-03-25T20:56:00.010+05:30

கண்ணே மணியே...படிக்க வா....

கண்ணே மணியே ஓடிவா
கட்டிக் கரும்பே படிக்க வா

அழகாய் நீயும் பேசிட
அன்னை தமிழை படிக்க வா

அவசியமான தேவைக்கு
ஆங்கிலம் பாடம் படிக்க வா

கணக்காய் வாழ்த் தெரிந்து கொள்ள
கணக்குப் பாடம் படிக்க வா

சான்றோர் பெருமை அறிந்து கொள்ள
சரித்திர பாடம் படிக்க வா

பூமிப் பந்தை புரிந்து கொள்ள
பூகோள பாடம் படிக்க வா

அதிசயம் பலவும் அறிந்து கொள்ள
அறிவியல் பாடம் படிக்க வா

கலைகள் பலவும் கற்றிடவே
கணிணி பாடம் படிக்க வா

கண்ணே மணியே ஓடிவா
கட்டிக் கரும்பே படிக்க வா>>>>கண்மணி

மானாட...மயிலாட

...

கொய்யா மரக் கிளையிலே
குக்கூ பாடுது குயில் கூட்டம்

மாமரத்துக் கிளையிலே
கொஞ்சிப் பேசுது கிளிக் கூட்டம்

பச்சை பசும் புல்வெளியில்
துள்ளியோடுது மான் கூட்டம்

பூத்துக் குலுங்கும் தோட்டத்தில்
தோகைமயிலின் ஒயிலாட்டம்

அரங்கேற்றமாகுது ஆட்டம் பாட்டம்
அனுமதி இங்கே இலவசம்>>>>கண்மணி

மழலையர் பாடல்கள் தொகுப்பு-6

2008-03-18T19:49:00.007+05:30

சிட்டு

சிட்டே சிட்டே பறந்து வா
சிறகை சிறகை அடித்து வா !
கொட்டிக் கிடக்கும் மணிகளை
கொத்திக் கொத்தித் தின்ன வா !

ஆற்று நீரில் குளிக்கிறாய்
அழகாய்த் தூளி ஆடுகிறாய் !
சேற்று வயலில் அமர்கிறாய்
திறந்த வெளியில் திரிகிறாய் !

உன்னைப் போலப் பறக்கணும்
உயர உயர செல்லணும் !
என்னை அழைத்துச் சென்றிடு
ஏற்ற இடத்தைக் காட்டிடு !!>>>>>>>>பொன்வண்டு

சேர்ந்து செய்வோம் !

துண்டு தாள்கள் கிடந்தன
தூக்கி வீசி எறிந்தனர் !
கண்டு சிறுவன் எடுத்தனன்
கப்பல் செய்து மகிழ்ந்தனன் !

துண்டு துணிகள் கிடந்தன
தூக்கி வீசி எறிந்தனர் !
கண்டு சிறுமி எடுத்தனள்
கணக்காய் பொம்மை செய்தனள் !

வண்ணத்தாள்கள் கிடந்தன
வாரி வீசி எறிந்தனர் !
சின்னப்பையன் கண்டனர்
சேர்த்துப் பூக்கள் செய்தனர் !

சிறிய பொருளும் நமக்குமே
சிறந்த பொருளாய் மாறுமே !
சின்னஞ்சிறுவர் நாமுமே
சேர்ந்து பொருள்கள் செய்வோமே !!!>>>>>>>>பொன்வண்டு

மரம் வளர்ப்போம்

தாத்தா வைத்த தென்னையுமே
தலையால் இளநீர் தருகிறதே !
பாட்டி வைத்த கொய்யாவும்
பழங்கள் நிறையக் கொடுக்கிறதே !

அப்பா வைத்த மாஞ்செடியோ
அல்வாபோல பழம் தருது !
அம்மா வைத்த முருங்கையுமே
அளவில்லாமல் காய்க்கிறது !

அண்ணன் வைத்த மாதுளையோ
கிண்ணம் போல பழுக்கிறது !
சின்னஞ்சிறுவன் நானுமொரு
செடியை நட்டு வளர்ப்பேனே !!!>>>>>>>>பொன்வண்டு

மழலையர் தமிழ்ப்பாடல்கள் தொகுப்பு-5

2008-03-15T12:40:00.000+05:30

அம்மா இங்கே வா! வா!
ஆசை முத்தம் தா! தா!
இலையில் சோறு போடு
ஈயை தூர ஓட்டு!
உன்னைப் போன்ற நல்லவர்
ஊரில் எவரும் இல்லையே
என்னால் உனக்கு தொல்லை
ஏதும் இனி இல்லை
ஐயம் இன்றி சொல்வேன்
ஒற்றுமை என்றும் பலமாம்
ஓதும் செயலே நலமாம்
ஒளவை சொன்ன மொழியாம்
அ'தே எனக்கு வழியாம்>>>>>>>>>>>>தமிழ்ப் பிரியன்

மழையே மழையே வா வா
மரங்கள் வளர வா வா
உலகம் செழிக்க வா வா
உழவர் மகிழ வா வா
குளங்கள் நிறைய வா வா
குடைகள் பிடிக்க வா வா
ஆறு ஓட வா வா
அடடா போட ஓடி வா>>>>>>>>>>>>தமிழ்ப் பிரியன்

1)மாங்காய் தலை முருகன்
கட்டை வண்டியில் ஏறி
சந்தை கடை சென்றான்
விதவிதமாய் கடைகள்
சந்தையிலே கண்டான்
லட்டு கடைக்குச் சென்று
லட்டு வேண்டும் என்றான்
லட்டு கேட்ட பையா
துட்டு எங்கே என்றான்
மாங்காய்தலை முருகன்
துட்டு இல்லை என்றான்
லட்டு மிட்டாய்காரன்
லட்டும் இல்லை என்றான்>>>>>>>>>>நானானி>>>>...

2)சின்ன விஜயராணி செல்ல விஜயராணி
வடைக்காகப் பாடுகிறாள்
வானம் பார்த்து சிரிக்கிறாள்
மிளகாய்த் துண்டு சிறு துண்டு
நறுக் என்று கடித்தாள்
தேம்பித்தேம்பி அழுகிறாள்
-----------------------
---------------[கோடிட்ட இடங்களை நிரப்புங்க பார்ப்போம்]
>>>>>>>>>நானானி

மழலையர் தமிழ்ப்பாடல்கள் தொகுப்பு-4

2008-03-13T15:52:00.007+05:30

1) அப்பாக்குட்டி மகன் சுப்பாக்குட்டி
சுப்பாக்குட்டி மகன் சுண்டெலியாம்
சுண்டெலி ராஜனுக்கு கலியாணமாம்
கொக்கைக் கூப்பிடுங்கள் பந்தல் போட
குருவியை கூப்பிடுங்கள் பூப்போட
தவளையை கூப்பிடுங்கள் தாரை ஊத
அப்பாக்குட்டி மகன் சுப்பாக்குட்டி
சுப்பாக்குட்டி மகன் சுண்டெலியாம்.>>>>>>>>>>>.நானானி

2) ராமசாமிக்கு தோட்டம் உண்டு ஆவடிப் பக்கத்திலே
அங்கே பல வாத்துகள் உண்டு ஆவடிப் பக்கத்திலே
அங்கே பாத்தாலும் குவாக் குவாக்
இங்கே பாத்தாலும் குவாக் குவாக்

ராமசாமிக்கு தோட்டம் உண்டு ஆவடிப் பக்கத்திலே
அங்கே பல பூனைகள் உண்டு ஆவடிப் பக்கத்திலே
அங்கே பாத்தாலும் மியாவ் மியாவ்
இங்கே பாத்தாலும் மியாவ் மியாவ்

ராமசாமிக்கு தோட்டம் உண்டு ஆவடிப்பக்கத்திலே
அங்கே பல நாய்கள் உண்டு ஆவடிப் பக்கத்திலே
அங்கே பாத்தாலும் லொள் லொள்
இங்கே பாத்தாலும் லொள் லொள்

ராமசாமிக்கு தோட்டம் உண்டு ஆவடிப் பக்கத்திலே
அங்கே பல மாடுகள் உண்டு ஆவடிப் பக்கத்திலே
அங்கே பாத்தாலும் ம்மா ம்மா
இங்கே பாத்தாலும் ம்மா ம்மா>>>>>>>>>>>.நானானி

சின்னச்சின்ன அபிநயனங்களோடு பாடினால் நல்லாயிருக்கும்.

ஆறு மாதக் குழந்தைக்கு கைதட்ட சொல்லிக்கொடுக்கும் பாட்டு

3) சப்பாணி கொட்டுவானாம்
தயிருஞ்சோறும் திம்பானாம்
அப்பஞ்சுட்டா திம்பானாம்
அவலிடிச்சா மொக்குவானாம்
மொக்குவானாம் மொக்குவானாம்>>>>>>>>>>>.நானானி

கண்ணே மணியே முத்தம் தா
கட்டிக்கரும்பே முத்தம் தா
கண்ணே மணியே முத்தம் தா
கட்டிக்கரும்பே முத்தம் தா
வண்ணக் கிளியே முத்தம் தான்
வாசக் கொழுந்தே முத்தம் தா
வண்ணக் கிளியே முத்தம் தான்
வாசக் கொழுந்தே முத்தம் தா
மானே தேனே முத்தம் தா
மடியில் வந்து முத்தம் தா>>>>>>>>>>>>>>காட்டாறு

கைவீசம்மா கைவீசு
கடைக்குப் போகலாம் கைவீசு
மிட்டாய் வாங்கலாம் கைவீசு
மெதுவாய் தின்னலாம் கைவீசு
பாடும் குயிலே கைவீசு
பைய போகலாம் கைவீசு
பழத்தை வாங்கலாம் கைவீசு>>>>>>>>>>>>>>காட்டாறு

காக்கா கண்ணுக்கு மை கொண்டு வா
குருவி கொண்டைக்குப் பூ கொண்டு வா
கிளியே கிண்ணத்தில் பால் கொண்டு வா
கொக்கே குழந்தைக்கு தேன் கொண்டு வா>>>>>>>>>>>>>>காட்டாறு

மழலையர் தமிழ்ப் பாடல்கள் தொகுப்பு-3

2008-03-13T13:58:00.005+05:30

மழலைச் செல்வங்களுக்கு தரமான தமிழ்ச்சொற்களை கொண்ட கருத்துடைய பாடல்களை பயிற்றுவிக்க வேண்டும். இதன் மூலம் அவர்களுக்கு நல்ல உச்சரிப்பும் மொழி உணர்வும் கிடைக்கப்பெறுவார்கள். கீழ்க்கண்ட பாடல்களை எழுதியவர்களின் ஆசையும் அதுவே. முயற்சித்து பாருங்களேன்.

1.
சேவலைப் பார் சேவலைப் பார்
சிப்பாயைப் போல - அது
கூவுது பார் கூவுது பார்
கொம்பொலி போல.

வெற்றி நடை போடுது பார்
வீரனைப் போல - போரில்
சுற்றி வந்து அடிக்குது பார்
சூரனைப் போல.

வாலையாட்டும் வண்ணத்தைப் பார்
வானவில் போல - அதி
காலையிலே எழுப்பிடும் பார்
காவலன் போல.
(துரை. தில்லான்)

2.
கசட தபற வல்லினம்
கசக்கும் வேம்பு மருந்தினம்
ஙஞண நமன மெல்லினம்
ங ப்போல் உறவைக் காக்கணும்
யரல வழள இடையினம்
இரவில் உணவு குறையணும்
தமிழில் மெய்கள் மூவினம்
தமிழர் எல்லாம் ஓரினம்.
(வெங்கடேச பாரதி)

3.
அம்மா கண்ணே அருகேவா
அழகுச் சிலையே அருகேவா
அப்பா செல்லம் அருகேவா
அழகுக் கிளியே அருகேவா

பட்டே சிட்டே அருகேவா
பழமே சுவையே அருகேவா
மொட்டே மலரே அருகேவா
முந்திரிச் சுவையே அருகேவா
(தமிழோவியன்)

4.
புன்னகை என்றும் புரிந்திடு
பொய்களை எதிர்த்து வென்றிடு
அனைத்து மொழியும் கற்றிடு
அமுதத் தமிழில் பேசிடு
கூடா நட்பை வெறுத்திடு
கூடி நீயும் வாழ்ந்திடு
விடாமல் முயற்சி செய்திடு
வெற்றிக் கனியைப் பறித்திடு

பள்ளி பள்ளி பள்ளி
பாடம் படிக்கப் பள்ளி
துள்ளி துள்ளி துள்ளி
விளையாடுவோம் துள்ளி
வெள்ளி வெள்ளி வெள்ளி
அக்கா கொலுசு வெள்ளி
அல்லி அல்லி அல்லி
அழகு மலரே அல்லி.
(ச.சண்முக சிதம்பரம்)

5.
பெற்றோர் காத்தல் நம்கடனே
பெரிதாய்க் கற்றல் நம்கடனே
உற்றார் போற்ற வாழ்ந்திடுதல்
உலகின் முதன்மைக் கடனாகும்.

வெற்றுப் பேச்சில் காலந்தான்
வீணாய்ப் போகும் அதனாலே
குற்றம் இல்லா வாழ்வுதனைக்
குறிக்கோளுடனே வாழ்ந்திடுவோம்.
(இலக்கியன்)

6.
அம்மாவுக்கும் அப்பாவுக்கும்
செல்லப் பிள்ளை நான்
அண்ணணுக்கும் தம்பிக்குந்தான்
அன்புப் பிள்ளை நான்
ஆசிரியர் அனைவருக்கும்
ஆசைப் பிள்ளை நான்
வாழ்வில் ஓங்கி உயர்ந்திடவே
படிக்கும் பிள்ளை நான்.
(அரி.இல.தமிழடியான்)

7.
கோழி நல்ல கோழி
முட்டை யிடும் கோழி
குள்ள மான கோழி
குஞ்சைக் காக்கும் கோழி

பருந்து குஞ்சைத் தூக்கிட
பறந்து கிட்டே வந்திடப்
பாய்ந்து விரட்டும் கோழி
தாய்மை மிக்க கோழி
(மி. அமலன்)

8.
ஓடிப் பிடித்து விளையாடி
ஒன்றாய்ச் சேர்ந்து பழகிடுவோம்
கூடிப் பேசி மகிழ்ந்திடுவோம்
குணத்தில் சிறந்து விளங்கிடுவோம்

மானைப் போலே துள்ளிடுவோம்
மயிலைப் போலே ஆடிடுவோம்
தேனைப் போலே இனித்திடுவோம்
சேர்ந்தே கூடி மகிழ்ந்திடுவோம்
(சாப்டூர் சதுரகிரியான்)

9.
சிட்டுக் குருவி வானிலே
சிறகடித்துப் பறக்குது
கொட்டும் அருவி மலையிலே
சலசலத்துக் கொட்டுது

குருவிபோல நாமுமே
கூடிவாழப் பழகுவோம்
அருவி போல நாமுமே
அனைவர் போற்ற வாழுவோம்.
(ஆதி.நாராயணமூர்த்தி)

10.
வெள்ளைப் பூனை வந்தது
வெறித்துப் பார்த்து நடந்தது
வீட்டில் எலியைக் கண்டது
விரட்டிக் கொண்டு சென்றது

ஓடி எலியும் ஓட்டையின்
உள்ளே சென்று மறைந்தது
விரட்டும் பூனை நின்றது
மியாவ் மியாவ் என்றது.
(அ.பக்கிரிசாமி)

11.
அன்பே அமுதே எழுந்திடு
அன்னைத் தமிழை படித்திடு
அறிவாய் நீயும் வளர்ந்திடு
அறியாமை மீது போர்த்தொடு
உடும்பாய்க் கொள்கை பிடித்திடு
உயர்வு தாழ்வு சமனிடு
உரிமை மீட்கத் துணிந்திடு
உண்மை யாக வாழ்ந்திடு.

காய்ச்சிய நீரைக் குடி குடி
கரும்பை நன்றாய்க் கடி கடி
தாய்மொழிக் கல்வி படி படி
தடையாம் சுவரை இடி இடி
காற்றில் மாசு வடி வடி
மண்ணில் கழிவு துடி துடி
சாதிப் பாம்பை அடி அடி
துணிந்து செயலை முடி முடி.

கதிரவன் வந்தான் எழுந்திடு
கண்ணை நன்றாய்த் திறந்திடு
காலைக் கடனை முடித்திடு
கடமை செய்யத் துணிந்திடு
கல்விக் கரும்பைக் கடித்திடு
கசடை நீக்கிப் படித்திடு
கலைகள் அனைத்தும் கற்றிடு
காரிருள் நீக்கி வென்றிடு.
(புதுவை தமிழ்நெஞ்சன்)

மழலையர் தமிழிப்பாடல்கள் தொகுப்பு-2 [குழு விளையாட்டு]

2008-03-11T10:50:00.021+05:30

குழுப் பாடல்கள்:

சிறுமிகள் இரண்டு குழுவாக இணைந்து ஓடி விளையாடுவார். ஒரு அணியில் உள்ள ஒருவரை மற்றொரு அணியைச் சேர்ந்த சிறுமி தொட்டு ஆட்டமிழக்கச் செய்ய வேண்டும். இரண்டு தரப்பையும் சேர்ந்த இரு சிறுமிகளைத் தேர்ந்தெப்பதற்க்கானப் பாட்டு தான் இது. ஒரு அணியில் அனைவருக்கும் பூக்களின் பெயர்களைக் கொண்டு பேர் இடப்படும். நடுவருக்கும் இது தெரியும். பின்னர் இரு அணியினரும் எதிரெதிரே நின்று கொண்டு தோள் மீது கையைப் போட்டுக் கொண்டு கோரசாகப் பாடுவார்கள்.

முதல் அணி : பூப்பறிக்க வருகிறோம்! பூப்பறிக்க வருகிறோம்!

இரண் அணி : எந்த மாதம் வருவீர்கள்! எந்த மாதம் வருவீர்கள்!

முதல் அணி : ஆடி மாதம் வருகிறோம்!ஆடி மாதம் வருகிறோம்!

இரண் அணி :எந்தப் பூவைப் பறிப்பீர்கள்!எந்தப் பூவைப் பறிப்பீர்கள்!

முதல் அணி : மல்லிகைப் பூவைப் பறிக்கிறோம்!
மல்லிகைப் பூவைப் பறிக்கிறோம்!

இரண் அணி : யாரை விட்டு அனுப்புவீர்கள்!யாரை விட்டு அனுப்புவீர்கள்!

முதல் அணி : அமுதாவை விட்டு அனுப்புகிறோம்!அமுதாவை விட்டு அனுப்புகிறோம்!

இதில் பூவின் பெயரும், சிறுமியின் பெயரும் மட்டும் மாறும்.******தமிழ்ப் பிரியன்

***************************************************************
எண்களின் வரிசை தரும் குழுப் பாடல்கள்:

ஒன்று யாவர்க்கும் தலை ஒன்று
இரண்டு முகத்தில் கண் இரண்டு
மூன்று முக்காலிக்குக் கால் மூன்று
நான்கு நாற்காலிக்குக் கால் நான்கு
ஐந்த் ஒருகை விரல் ஐந்து
ஆறு ஈயின் கால் ஆறு
ஏழு வாரத்தின் நாள் ஏழு
எட்டு சிலந்தியின் கால் எட்டு
ஒன்பது தானியம் வகை ஒன்பது
பத்து இருகை விரல் பத்து>>>>>>>>>>>>>>>கயல்விழி முத்துலஷ்மி

**************************************************************
இரண்டு பிள்ளைகள் நேர் எதிராக நின்று கொண்டு கைகளைக் கோர்த்து கூரை போல் அமைக்க மற்ற்வர்கள் வரிசையாக ஒவ்வொருவராக பாடிக் கொண்டே உள்ளே நுழைந்து இருவரையும் சுற்றி வர கடைசியாக பத்து சொல்லும் போது உள்ளே நுழைபவர் அவுட் ஆகி விடுவார்.

ஒரு குடம் தண்ணி ஊத்தி ஒரே பூ பூத்துச்சாம்
ரெண்டு குடம் தண்ணி ஊத்தி ரெண்டே பூ பூத்துச்சாம்
மூணு குடம் தண்ணி ஊத்தி மூணு பூ பூத்துச்சாம்
நாலு குடம் தண்ணி ஊத்தி நாலே பூ பூத்துச்சாம்
அஞ்சு குடம் தண்ணி ஊத்தி அஞ்சே பூ பூத்துச்சாம்
ஆறு குடம் தண்ணி ஊத்தி ஆறே பூ பூத்துச்சாம்
ஏழு குடம் தண்ணி ஊத்தி ஏழே பூ பூத்துச்சாம்
எட்டு குடம் தண்ணி ஊத்தி எட்டே பூ பூத்துச்சாம்
ஒன்பது குடம் தண்ணி ஊத்தி ஒன்பதே பூ பூத்துச்சாம்
பத்து குடம் தண்ணி ஊத்தி பத்தே பூ பூத்துச்சாம்
****காட்டாறு

********************************************************************
வேடிக்கைப் பாடல்கள்:

பலூனம்மா பாலூன்
கலர்க் கலரா இருக்குது..
கரடி போல ஒண்ணு
காக்கா போல ஒண்ணு

காத்தாடி போல ஒண்ணு
கத்திரி போல ஒண்ணு

காசு போட்டு வாங்கலாம்கூச்சல் போட்டு ஓடலாம்

டான்ஸ் பாப்பா டான்ஸ் பாப்பா
கோபம் கொள்ளாதே
அப்பா வர நேர மாச்சு வம்பு பண்ணாதே>>>>>>>>>>>>வல்லியம்மா

******************************************************************

பெயரை மறந்த ஈ..

ஒரு ஈ தன் பெயரை மறந்து விட்டதாம் ஒவ்வொருவராய்ப் போய்க் கேட்கிறதாம்.ஈ யாக ஒரு பிள்ளை தன்னை பாவித்து அடுத்தவரிடம் கேட்கும் விளையாட்டு:

கொழு கொழு கன்றே கொழு கொழு கன்றே
என் பேர் என்ன??
எனக்குத் தெரியாதே......என் அம்மாவிடம் கேள்
கன்றை ஈன்ற பசுவே பசுவே
என் பேர் என்ன??
எனக்குத் தெரியாதே.....மாட்டுக்காரனிடம் கேள்
மாடு மேய்க்கும் சிறுவா மாடு மேய்க்கும் சிறுவா
என் பேர் என்ன??
எனக்குத் தெரியாதே....பச்சைப் புல்லிடம் கேள்
பச்சைப் புல்லே பச்சைப் புல்லே
என் பேர் என்ன??
எனக்குத் தெரியாதே....அதோ அந்தக் குதிரையைக் கேள்
புல்லைத் தின்னும் குதிரையே குதிரையே
என் பேர் என்ன??
குதிரை ஈ..ஈ...ஈ...எனக் கனைக்க
ஆஹா..நான் ஈ...என் பேர்...ஈ...என சந்தோஷப் பட்டதாம்******வல்லியம்மா /கண்மணி

அந்த ஈ பாட்டு முழுசும் இப்படியும் வரும்.

கொழு கொழு கன்றே
கன்றின் தாயே
கன்றை மேக்கும் இடையா
இடையன் கை கோலே
கோலே கொடிமரமே
கொடிமரத்துக் கொக்கே
கொக்கும் வாழும் குளமே
குளத்திலிருக்கும் மீனே
மீனைப்பிடிக்கும் வலையா
வலையன் கை சட்டியே
சட்டி செய்யும் குயவா
குயவன் கை மண்ணே
மண்ணில் வளரும் புல்லே
புல்லைத்தின்னும் குதிரையே
என் பேரென்ன??
..... நல்லாருக்கா>>>>>>>>>>>>>>>.கிருத்திகா

*****************************************************

குத்தடி குத்தடி சைலக்கா
குனிந்து குத்தடி சைலக்கா
பந்தலிலே பாவக்கா
தொங்குதடி லோலாக்கு
பைய வேணா பாத்துக்கோ
பணத்த வாங்கிப் போட்டுக்கோ
சில்லறயை மாத்திக்கோ
சிலுக்கு சட்டை போட்டுக்கோ
ஜில்ஜில் ஆடிக்கோ>>>>>>>>>>>>>>>>.நானானி

மழலையர் தமிழ்ப் பாடல்கள் தொகுப்பு--1 [விலங்குகள்]

2008-03-07T22:46:00.014+05:30

டக்குடக்கு கடிகாரம்
தட்டு நிறைய பணியாரம்
குட்டிகுட்டி சுண்டெலிகள்
எட்டிஎட்டிப் பார்த்தனவே
டண்டண் என்றது கடிகாரம்
தாவி வந்தது கரும்பூனை
கண்டு மிரண்ட சுண்டெலிகள்
காற்றாய் பறந்து மறைந்தனவே******நானானி

குருவி பறந்து வந்ததாம்
குழந்தை அருகில் வந்ததாம்
பாவம் அதற்கு பசித்ததாம்
பாப்பா நெல்லைக் கொடுத்ததாம்
குருவி அந்த நெல்லையே
கொத்திக் கொத்தித் தின்றதாம்
பசியும் நீங்கிப் பறந்ததாம்
பாப்பா இன்பம் கொண்டதாம்*******நிஜமா நல்லவன்

அணிலே அணிலே ஓடிவா!
அழகிய அணிலே ஓடிவா!
கொய்யா மரம் ஏறிவா!
குண்டு பழம் கொண்டுவா!
பாதி பழம் உன்னிடம்
மீதி பழம் என்னிடம்!
கொறித்து கொறித்து தின்னலாம்********ஆஷிஷ் அம்ருதா

வெள்ளை நிற முயலக்கா
வெளியே வந்து பாரக்கா
சினஞ்சிறு கைகளால்செடியைத் தின்னும் முயலக்கா
அங்கும் இங்கும் ஓடினாலும்
அழகாய் தோன்றும் முயலக்கா**********நிஜமா நல்லவன்

கோழி கிளறினால் வேலி போடலாம்
வாடா கண்ணா வா!
வேலியை ஆடு தாண்டிவிடுமே
போடா வரமாட்டேன்!

கீரை விதைப்போம் கீரை விதைப்போம்
வாடா கண்ணா வா!
கீரை வளரத் தண்ணீர் வேண்டுமே
போடா வரமாட்டேன்!

கேணி நீரை இறத்துக் கொள்ளலாம்
வாடா கண்ணா வா!
கீரை வளர்ந்தபின் என்ன செய்வது?
போடா வரமாட்டேன்!

கீழைத் தெருவில் விற்றுவிடலாம்
வாடா கண்ணா வா!
விற்ற பணத்தை என்ன செய்வது?
போடா வரமாட்டேன்!

வீணாக்காமல் வங்கியில் சேர்ப்போம்
வாடா கண்ணா வா!
வீடும் நாடும் வாழ்த்த வாழ்வோம்
வா வா அண்ணா வா!*********************பாசமலர்

தோட்டத்தில் மேயுது வெள்ளைப்பசு
அங்கே துள்ளிக்குதிக்குது கன்றுக்குட்டி
அம்மா என்குது வெள்ளைப்பசு
உடன் அண்டையில் ஓடுது கன்றுக்குட்டி
நாவால் நக்குது வெள்ளைப்பசு
பாலை நன்றாய் குடிக்குது கன்றுக்குட்டி
முத்தம் கொடுக்குது வெள்ளைப்பசு
மடிமுட்டி குடிக்குது கன்றுக்குட்டி*********நிஜமா நல்லவன்

யானை யானை அழகர் யானை
அழகரும் சொக்கரும் ஏறும் யானை
கட்டிக்கரும்பைக் கடிக்கும் யானை
காவேரித்தண்ணீரைக் கலக்கும் யானை***********பொன்வண்டு

குட்டீஸ்:பத்தோடு பதினொன்றா நீங்கள்?

2008-03-02T00:24:00.004+05:30

குட்டீஸ்!

குட்டீஸ் முன்பு சுலபமாய் 9 ஆல் பெருக்கச் சொல்லிக் கொடுத்தேன்.

இப்போது இன்னும் சுலபமாய் 11 ஆல் பெருக்க சொல்லித்தரப் போகிறேன்.

ஒற்றை இலக்க எண்களைச் சுலபமாய் 11ஆல் பெருக்க முடியும்.

இரட்டை இலக்க எண்களை எப்படி 11 ஆல் பெருக்குவது?:

உதாரணமாக 12x11=132 இதில் அந்த இரண்டு எண்களையும்

கூட்டிக் கொள்ளவும் 1+2=3 இந்த கூட்டுத்தொகையை அப்படியே

இரண்டுக்கும் நடுவில் சேர்க்க வேண்டியதுதான். 1 3 2 சரியா?

இன்னொரு உதாரணம்: 56x11=616 [5+6=11] இதை இரண்டுக்கும் நடுவில் எழுதினால்
5+1 1 6 =6 1 6 [கூட்டுத்தொகை இரண்டு இலக்கத்தில் வரும்போது பதின்ம எண்ணை [செகண்ட் டிஜிட்] முதல் எண்ணுடன் கூட்டவும்.

இரண்டுக்கு மேற்பட்ட இலக்கங்களைக் கொண்ட எண்களை 11 ஆல் பெருக்குதல்:

உதாராணமாக 34781x11 = 382591

வலது புறத்திலிருந்து ஆரம்பித்து முதல் இலக்க எண்ணை அப்படியே எழுதவும்.1+0=1
அடுத்து முன்னால் உள்ள எண்ணுடன் அடுத்த எண்ணைக் கூட்டி எழுதியபடி செல்லவும்.

1+0=1
1+8=9
8++7=15
7+4=11
4+3=7
3+0=3 3 7 11 15 9 1= 382591 [பதின்ம எண்ணை அடுத்த எண்ணுடன் கூட்டவும்]

இன்னொரு உதாரணம் 7946732x11= 87414052
2+0=2
3+2=5
7+3=10
6+7=13
4+6=10
9+4=13
7+9=16
7+0=7 2 5 10 13 10 13 16 7 =87414052

உங்க நண்பர்களிடம் எத்தனை பெரிய எண்களையும் நொடியில் 11 ஆல் பெருக்கிக் காட்டி அசத்துங்க.இனி நீங்க பத்தோடு பதினொன்று இல்லை.சாமர்த்தியசாலின்னு நிரூபிங்க.
மீண்டும் உங்களை சந்திக்கும் வரை வாழ்த்துக்களுடன் விடை பெறுகிறேன்.

குட்டீஸ்:புதிர்.....போடலாமா?

2008-02-10T14:46:00.001+05:30

ஐந்து எழுத்துக்கள் கொண்ட ஆங்கில வார்த்தை.அப்படியே சொன்னால்பெண்களுக்கு பிடித்த அணிகலன்.
கடைசி எழுத்து நீக்கினால் ஒரு பழத்தின் பெயர்.
முதலும் கடைசி எழுத்தும் நீக்கினால் கேட்க முடியும்
அது என்ன?

இது ஒரு ஏழு எழுத்து ஆங்கில வார்த்தை.கடைசி மூன்று எழுத்துக்களை நீக்கினால் ஆடவர் அணியும் உடை.
கடைசி நான்கு எழுத்துக்கள் நீக்கினால் பெண்கள் சமைக்கப் பயன் படுத்தும் பாத்திரம்
முதல் நான்கு எழுத்துக்கள் நீக்கினால் பெண்களைக் குறிப்பிடும் ஆங்கிலச் சொல்.
அது என்ன?

ஒரு பண்ணையில் பல விலங்குகள் இருந்தன.எவை எவை எத்தனை எனக் கேட்டபோது பண்ணைக்காரன் சொன்னான்
''எல்லாமே குதிரைகள் இரண்டைத் தவிர
எல்லாமே ஆடுகள் இரண்டைத் தவிர
எல்லாமே கழுதைகள் இரண்டைத் தவிர''

அப்படியானால் அவனிடம் இருந்த விலங்குகள் என்ன்னென்ன?எத்தனை?
இந்த படத்தோடு சம்மந்தப் பட்ட கணித வார்த்தை என்னங்க

answer:

*
*
*
*
*
*
*
*
* வெயிட்டீஸ்..விடை இங்கதான் இருக்கு.முதல்ல நீங்களே கண்டுபிடிங்க.பிறகு சரி பாருங்க.அதுவரை கண்ணுக்குத் தெரியாது.

1.PEARL
2.PANTHER
3.ONE HORSE;ONE DONKEY;ONE GOAT [TOTAL 3]
4.SQUARE ROOT

தாடியும்...தூக்கமும்

2008-02-10T14:03:00.000+05:30

குட்டீஸ்!
உங்களுக்கெல்லாம் கதை சொல்லி நிறைய நாளாச்சு இல்லையா?
ஒரு ஊர்ல ஒரு பெரியவர் இருந்தார்.அவர் ரெண்டு விஷயங்களில் தன்னைப் பற்றிப் பெருமை பட்டுக்குவார்.

ஒன்று அவருடைய நீண்ட தாடி பற்றிய பெருமை.வெண்மை நிறத்தில் அவருடைய காலைத் தொடுமளவுக்கு நீண்ட தாடி அவருக்கு.
அடுத்தது படுத்தவுடன் தூங்கிப் போகும் அவருடைய பழக்கம் பற்றியது.

யாரிடம் பேசினாலும் இதைப் பற்றி பெருமையாகச் சொல்லிக் கொள்வார்.
இந்த இரண்டு விஷயங்களிலும் தன்னையாரும் மிஞ்ச முடியாது என சொல்வார்.
ஒரு நாள் அவருடைய பேரன் ஊரிலிருந்து வந்திருந்தான்.

அவனிடமும் தாத்தா இது பற்றி பேசினார்.
பேரன் 'சரி தாத்தா.நீங்க தூங்கும் போது உங்க நீண்ட தாடி போர்வைக்கு மேலே இருக்குமா இல்லை போர்வைக்கு அடியிலா?' என்று சந்தேகம் கேட்க

படுத்தவுடனே தூங்கிப்ப் போகும் பழக்கத்தால் தாத்தாவுக்கு பதில் சொல்லத் தெரியவில்லை.
இன்று தூங்கும் போது பார்க்க வேண்டும் என்று நினைத்துக் கொண்டார்.
இரவு தூங்கும் போது போர்வைக்கு அடியில் தாடி இருக்க வெளியே தெரியட்டும் என்று அதை எடுத்து போர்வைக்கு மேலே போட்டார்.

அது பார்ப்பதற்கு நன்றாக இல்லாததால் மீண்டும் எடுத்து போர்வைக்கு அடியில் போட்டார்.
மீண்டும் சரி வராததால் மேலேயும் மறுபடி கீழேயும்........இப்படியே போர்வைக்கு மேலே...கீழே என்று மாற்றி மாற்றிப் போட்டுக் கொண்டே இருந்ததில் அன்று இரவு தூங்கவேயில்லை.

மறுநாளும் இப்படி முயற்சித்து தூக்கம் தொலைக்கவே மனம் வெறுத்துப் போன தாத்தா தாடியா?தூக்கமா? னு யோசித்து முடிவில் தன்னுடைய நீண்ட தாடியை வெட்டி விட்டார்.

பிறகென்ன?தாடி பத்தின கவலை இல்லாம நிம்மதியாத் தூங்கத் தொடங்கினார்.ஹாஹா...

குட்டீஸ்: கடிகாரங்கள் பலவிதம் காட்டும் நேரமோ ஒரே விதம்

2008-01-19T17:06:00.000+05:30

குட்டீஸ்!
நீங்க நிறைய வகையான கடிகாரங்கள் பார்த்திருப்பீங்க.
இதற்கு மணற் கடிகாரம் னு பேர்.மேலே உள்ள மணல் கீழ்ப் பகுதிக்கு வரும் அதை வைத்தே அந்தக் காலத்தில் நேரத்தை கணக்கிடுவார்கள்.

அதற்கு பின்பு 1....12 வரை எண்கள் குறிக்கப் பட்ட 'அனலாக்' வகை கடிகாரங்கள் கண்டு பிடிக்கப் பட்டது.

ரோமன் எழுத்துக்களால் ஆன வகையிது

எண்களே இல்லாமல் கோடுகள் அல்லது புள்ளிகளைக் கொண்டது

டிஜிட்டல் வகையான கடிகாரங்கள்

இது ஒரு வேதியியல் கடிகாரம் .அணு எண் 1 முதல் 12 வரை உள்ள தனிமங்களின் [elemets] குறியீடு[symbol] குறிக்கப்பட்ட இதற்கு 'கெம் டைம் கடிகாரம்'[chem time clock] னு பேர்.

கடிகாரங்களின் வகைகள் மாறினாலும் அவை காட்டும் நேரம் ஒரே மாதிரிதானே இருக்கும்.

குட்டீஸ்:கணக்கைப் போடுங்க பிறந்தநாள் கண்டுபிடிங்க.

2008-01-14T00:38:00.001+05:30

குட்டீஸ்!!!!
உங்க எல்லோருக்கும் பொங்கல் வாழ்த்துக்கள்.

பொங்கல் பரிசா உங்களுக்கு ஒரு புதிர் கணக்குச் சொல்லித்தரப் போறேன்.

உங்க நண்பர்களின் பிறந்த நாளை சுலபமாக் கண்டுபிடிக்கிற கணக்கு!

முதல்ல உங்க நண்பரை

1. அவருடைய பிறந்த நாளின் மாதத்தை 4 ஆல் பெருக்கச் சொல்லுங்க

2.விடையுடன் 13 ஐக் கூட்டச் சொல்லுங்க.

3.அதை 25 ஆல் பெருக்கச் சொல்லவும்.

4.வரும் விடையிலிருந்து 200 கழிக்கவும்.

5.அத்துடன் பிறந்த தேதியின் எண்ணைக் கூட்டச் சொல்லவும்.

6.அதை 2ஆல் பெருக்கி

7.அதிலிருந்து 40 ஐக் கழிக்கவும்.

8.மறுபடியும் 50 ஆல் பெருக்கி

9.அத்துடன் அவர் பிறந்த வருஷத்தின் கடைசி 2 எண்களைக் கூட்டச் சொல்லவும்.

10.ஹாஹா இனிதான் உங்க மேஜிக் ஆரம்பம்...இதுவரை அவர் கூட்டிக் கழித்து பெருக்கி முடித்த தொகையை மட்டும் சொல்லச் சொல்லவும்.

அதை வைத்து ஒரு சின்ன மேஜிக் செய்தால் அவ்ர் பிறந்த மாதம்,தேதி,வருஷம் எல்லாம் சுலபமாகச் சொல்லி விடலாம்.

அந்த மேஜிக் செய்யவும் ஒரு நெம்பர் தேவை அது என்னன்னு அடுத்த பதிவில் சொல்றேன்.

டிஸ்கி:சும்மா டெஸ்டுக்காக குட்டீஸ்களோ அல்லலது அவர்களின் அண்ணாக்களோ 9வது படியில் வந்த தொகையை மட்டும் சொல்லுங்க .அவங்க பிறந்த நாள் சொல்றேன்.

டிஸ்கி 2:இவ்வளவு கணக்கு போடுவதற்கு பதில் நானே பிறந்த நாள் சொல்லிடுறேன் என்று நண்பர் சொன்னால் அவர் கணக்கில் மந்தம் னு அர்த்தம் ஹாஹாஹா...

குட்டீஸ்: பேய் உருவங்கள் செய்வோமா? பயம் காட்டுவோமா?

2008-01-04T20:05:00.001+05:30

குட்டீஸ்!

எல்லோருக்கும் இனிய புத்தாண்டு வாழ்த்துக்கள்!!!

இந்த கைவினைப் பொருட்கள் பகுதியில் உங்களுக்கு 'பயங்கரமான பேய் [ஆவி] பொம்மைகள் செய்யக் கத்துக் குடுக்கப் போறேன்.ஹ்ஹாஹ்ஹா.......

தேவையான பொருட்கள்:

பலூன்கள்
டிஷ்யூ பேப்பர் அல்லது வெள்ளை நிற கவரிங் பேப்பர்
நூல் கண்டு
மார்க்கர் பேனா அல்லது ஸ்கெட்ச் பேனா
ரப்பர் பேண்ட்

செய்முறை:
முதலில் பலூன் களை பெரிதாக ஊதி ரப்பர் பேண்ட் உதவியால் கட்டி வைக்கவும்.

பின்பு வெள்ளை ரேப்பர் பேப்பரை [கவரிங் பேப்பர்] விரித்து அதில் ஊதிப் பெரிதாக்கிய பலூனை வைத்து நன்கு மூடி [படத்தில் உள்ளது போல]மீண்டும் ரப்பர் பேண்ட் உதவியுடன் கட்டவும்.

மார்க்கர் அல்லது கலர் பேனாவினால் ஒவ்வொரு பேப்பர் சுற்றிய பலூன் மீதும் உருவங்களை வரையவும்.

நீண்ட நூலை எடுத்து பலூனுடன் கட்டப் பட்ட ரப்பர் பேண்ட் உடன் இணைத்துபறக்க விட்டால் பயங்கரமான பேய் பொம்மைகள் காற்றில் ஆடும்.

இரவில் அல்லது இருட்டு அறையில் தெரிய வேண்டுமானால் சாதாரண கலருக்கு பதில் 'க்ளோ' பெயிண்ட் அல்லது பேப்பர் ஒட்டி வெட்டினால் இருளிலும் உருவங்கள் தெரியும்.

குறிப்பு:உங்கள் நண்பர்கள் பிறந்த நாளான்று அல்லது முட்டாள்கள் தினத்தில் ஏமாற்றவோ மட்டுமே செய்து பார்க்கலாம்.
அடிக்கடி இப்படி செய்து பயம் காட்டக் கூடாது.சரியா?

குட்டீஸ்!!!வேட்டையபுரம் அரண்மனையில் எத்தனை பொம்மைகள்

2008-01-03T15:11:00.001+05:30

குட்டீஸ்!!!

ஒரு சின்ன கணக்கு.

சந்திரமுகியில் வந்த வேட்டையபுரம் அரண்மணை மாதிரி ஒரு பெரிய மாளிகை.அந்தமாளிகையில் 100 மாடிப்படிகள் இருக்கின்றன.

ஒவ்வொரு படியிலும் படியின் எண்ணிக்கைக்கு ஏற்றவாறு பொம்மைகள் வைக்கப் படுகின்றன.

உதாரணமாக முதல் படியில் 1 பொம்மை... இரண்டாவதில் 2 பொம்மைகள்... மூன்றாவதில் மூன்று பொம்மைகள்........50 வது படிக்கட்டில் 50 பொம்மைகள்.........இப்படியாக 100 வது படியில் 100 பொம்மைகள் வைக்கப் பட்டிருக்கின்றன.

முதல் படியிலிருந்து 100 வது படிவரை வைக்கப் பட்டிருக்கும் மொத்த பொம்மைகளின் எண்ணிக்கை எத்தனை ன்னு கண்டு பிடிங்க பார்க்கலாம்.

இதென்ன கடினமான வேலையா ன்னு பேப்பரும் பேனாவும் வைத்து கூட்டலை ஆரம்பிக்கக் கூடாது.

மனக் கணக்காக நொடியில் சொல்ல என்ன வழின்னு சொல்லனும்.சரியா?

லக...லக...லக...லக....ரெடியா?
*
*
*
விடை கீழே.ஆனாலும் பார்க்காமல் முயற்சி செய்யுங்கள்.
*
*
*
*
*
*
*
*
*
*
*
*
*
*
*
*
*
*
*
*
*

*
*
*
*
*
*
*
*
*
*
விடை : இரண்டு இரண்டு படிகளாக ஜோடி சேர்த்துக் கூட்டவும்.உதாரணமாக

1+99=100
2+98=100
3+97=100.........
49+41=100 .....வரை கூட்டினால் மொத்தம் 4900 வரும்.
50 க்கும் 100 க்கும் ஜோடியில்லை
ஆகவே 4900+100+50=5050 பொம்மைகள்.

சூத்திரம்:n(n+1)/2

பூக்களில் உறங்கும் மெளனங்கள் - படம்

2008-01-01T14:36:00.001+05:30

இனிமேல் எழுத மாட்டேனு சொல்லீட்டு மறுபடியும் வந்துட்டானு பார்க்கறீங்க தானே?...." அரும்புகள் " கண்மணி அக்காக்கு நன்றி சொல்ல.. என்னை இதுல சேர்த்துக்கிட்டதுக்கு நன்றி அக்கா..

Happy New Year to All

பூக்களில் உறங்கும் மெளனங்கள் னு எங்கேயோ ஒரு டைட்டில் பார்த்தேன்.. இந்த ஃபோட்டோ எல்லாம் பார்த்தப்போ எனக்கு இந்த தலைப்பு நியாபகம் வந்துச்சு... உங்களுக்கும் அப்படி தோனுதானு சொல்லுங்க..

இந்த குழந்தை இப்ப இல்ல..எச்ஐவி இன்ஃபெக்ஷனால இறந்துடுச்சு

Female Foeticide

Orphanage ல இருந்த பையன்

Refugee Camp ல இருந்த பொண்ணு

எத்தனை பாலின்ட்ரோம்கள்?..குட்டீஸ்:விடுமுறை விளையாட்டு-3

2007-12-20T20:28:00.000+05:30

குட்டீஸ்!!!!!!

பாலின்ட்ரோம் [palindrome] என்பது முன் பின்னாக படிக்கும் போது ஒரே மாதிரி இருக்கும் சொல்லோ ,சொற்றொடரோ,எண்களோ ஆகும்.
உதாரணமாக

தமிழில்: விகடகவி

ஆங்கிலத்தில்: Madam I'm Adam

A man,a plan,a canal,Panama

Was it a cat I saw?

சரி இப்ப என்னுடைய கேள்வி :

ஒரு டிஜிட்டல் கடிகாரத்தில் மணி 8:08 என்றால் அடுத்த 62 நிமிடத்திற்குள் அந்த கடிகாரம் எத்தனை பாலின்ட்ரோம் எண்களைக் காட்டும்?
ஆரம்பிக்கும் எண்ணையும் கணக்கில் கொள்ளவும்.

ஈஈஈ*....[குட்டீஸ்:விடுமுறை விளையாட்டு..2]

2007-12-20T12:03:00.000+05:30

குட்டீஸ்!!!!!!!!!!!

கீழே உள்ள ஒன்பதுக்கு ஒன்பது கட்டத்தில் ஒன்பது ஈக்கள் உள்ளது.
அவை ஒவ்வொன்றும் நேராகவோ, பக்க வாட்டிலோ, மேல்,கீழாகவோ, குறுக்கு வாட்டிலோ இரட்டை ஆகாமல் [ஒரே நேர்க்கோட்டில் வராமல்] தனித்தனியாய் இருப்பதைப் பாருங்கள்.

நீங்கள் செய்ய வேண்டியது இதில் மூன்று ஈக்களை மட்டும் இடம் மாற்றி வைக்கனும்.

அப்படிச் செய்த பிறகும் எந்த இரண்டு ஈக்களும் நேராகவோ இட வலமாகவோ மேல்கீழாகவோ குறுக்காகவோ ஒரே நேர்க் கோட்டில் இருக்கக் கூடாது என்பதுதான் விதி.

என்ன சவாலுக்கு தயார் ஆகிவிட்டீர்களா ? முடிந்தவரை பெரியவங்க ஆலோசனை இல்லாம நீங்களே முயற்சி செய்யுங்க.

விடை அடுத்த பதிவில் சரி பார்த்துக் கொள்ளுங்க.

கட்டம் எண்ணைக் குறிப்பிட்டும் எங்கிருந்து எங்கு நகர்த்தலாம் என பின்னூட்டம் தரலாம்.

குறிப்பு:குட்டீஸ்கார்னர் என்ற புதிய வலைப் பூ உருவாகி இருப்பதால் குழப்பம் தவிர்க்க வேண்டி இன்று முதல் இந்த வலைப் பூ 'குட்டீஸ்ஜங்ஷன்' என்பது 'அரும்புகள்'' என்ற பெயரில் வரும்.

*
*

விடை கீழேஏஏஏஏஏஏஏஏஏஏஏஏஏஏஏஏஏஏஏஏ
*
*
*
*
*
*
*
*
*
*
*
*
*
*
*
*
*
*
*
*
*

*
*

*
*
*
*
*
*
*
*
*
*
*
*
*
*
*
*

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*

குட்டீஸ் சாண்டா செய்வோமா.............

2007-12-17T18:01:00.002+05:30

குட்டீஸ்

இந்த கிறுஸ்துமஸ்க்கு நீங்களே அழகான அழகான சாண்டா
செய்து பார்க்கலாம் வாருங்கள்.

தேவைப் படும் பொருட்கள்:

முட்டை ஓடு
பவுண்டேஷன்[ஃபேஸ் கிரீம்]அல்லது ரோஸ் பவுடர்
பஞ்சு
சிவப்பு நிற வெல்வட் அல்லது வழவழப்பு பேப்பர்
கறுப்பு மற்றும் சிகப்பு ஒட்டும் ஸ்டிக்கர் பொட்டுக்கள்
சலோபன் நாடா
கம் அல்லது க்ளூ

முதலில் முட்டை ஓட்டில் மிகச் சிறிய துளையிட்டு அதில் உள்ள மஞ்சள்,,வெள்ளைக் கருவை வெளியில் கொட்டி விட்டு கழுவி காயவைக்கவும்.அதன் மீது பவுண்டேஷன் அல்லதுரோஸ் பவுடர் கொண்டு தேய்த்து பிங்க் நிறம் கொண்டடு வரவும்.

பிற்கு பஞ்சை நீளவாக்கில் கட் செய்து முட்டை ஓட்டின் கீழ்ப் பகுதியில் பசை தடவி மீசை போல் ஒட்டவும்.இரு சிறிய துண்டுகளை வெட்டி புருவம் போல் ஒட்டவும்.இரு பக்க வாட்டிலும் பஞ்சை ஒட்டவும்.

கறுப்பு பொட்டை இரு கண்களுக்குவ்வைத்து ஒட்டவும்.சிகப்பு நாடா அல்லது பேப்பரை கூம்பு வடிவில் செய்து தலையில் தொப்பி போல் வைத்து பசை அல்லது செல்லோ நாடா கொண்டு ஒட்டவும்.

அதில் ஒருதுண்டை மூக்காகவும் உதடாகவும் ஓட்டவும்.

மேலும் சிறிது பஞ்சை தாடி போல் ஒட்டித் தொங்க விடவும்.

தொப்பியில் இரு துளையிட்டு பக்கவாட்டிலிருந்து ஒரூகம்பியை பஞ்சு சுற்றி தொங்க விடவும்.

இதோ சாண்டா கிளாஸ் ரெடி

இனி என்ன கிறுஸ்துமஸ் மரத்தில் கட்ட வேண்டியதுதானே.

கை நாட்டு இல்லை கலை வண்ணம் [குட்டீஸ்:விடுமுறை குறிப்புகள்]

2007-12-16T18:16:00.001+05:30

குட்டீஸ்!

கை விரலில் மை தடவி காகிதத்தில் வைப்பவர்களை
'கை நாட்டு'ன்னு தானே சொல்வாங்க.
ஆனா அக்கா சொல்ற மாதிரி செய்தால் 'கலை வண்ணமாக' மாறுவதோடு வரப் போகும்'கிறுஸ்துமஸ்''புத்தாண்டுக்கு' நீங்களே அழகான வாழ்த்து அட்டை தயாரித்து உங்க நண்பர்களுக்கு கொடுக்கலாம்.அத்துடன் விடுமுறையும் பயனுள்ளதாக இருக்கும்.சரியா?

படத்தைப் பெரிதாக்கிப் பார்க்கவும்.

தேவையான பொருட்கள்:

பேப்பர் அல்லது சார்ட் அட்டை [வேண்டிய வண்ணத்தில்]
மை அட்டை[ink pad]
மார்க்கர் பேனா அல்லது கலர் ஸ்கெட்ச் பேனா[maker pen or color sketch pens]
பசை:[glue or gum]
ஜிகினாப் பொடி[glitter powder]
ஆர்வமும்,கற்பனா சக்தியும்

செய்முறை:
1.கை விரல்களை மை அட்டையில் வைத்து தேய்த்துப் பின் பேப்பரில் வைத்து கை நாட்டு போல் வைக்கவும்.

2.எது மாதிரி வரையப் போகிறோமோ அதற்குத் தகுந்தபடி நேராகவோ,வலது,இடது புறமாகவவோ விரல் அடையாளத்தைப் பதிய வேண்டும்.

இது ஓவியத்தின் தலைப் பகுதியாகவும் அல்லது உடலாகவும் அவரவர் கற்பனைக்கு ஏற்ப அமைத்துக் கொள்ளலாம்.

3.மை அடையாளம் [print] அளவுக்கு ஏற்ப எந்த விரலிலும் மை தடவிப் பயன் படுத்தலாம்.
4.சிறிது நேரம் மை அடையாளம் காய வேண்டும்.[குட்டீஸ் அதற்குள் கையை சோப் போட்டு கழுவிக் கொள்ளலாம்]

5.பின் கலர் அல்லது மார்க்கர் பேனாவால் படத்தின் கண்,காது ,வால் என தேவைப் படும் பகுதிகளை வரைய வேண்டும்.

6.விருப்பமானால் பசை தடவி படத்தைச் சுற்றி அழகிய ஜமிக்கி,மணிகள் ,செயற்கைக் கற்கள் ஒட்டலாம்.ஜிகீனாத் தூளும் [glitter powder] தூவலாம்.

7.இப்போது நீங்களே வரைந்த அழகான புதுமையான விரல் ரேகைப் படம் [finger print drawing]தயார்.

வழி எங்கே?... போகனும் அங்கே..விடுமுறை விளையாட்டு..1

2007-12-16T15:41:00.002+05:30

வணக்கம் குட்டீஸ்!

இன்னும் கொஞ்ச நாள்ல கிறுஸ்துமஸ் விடுமுறை வருதில்லையா?

அப்ப பொழுது போகாம போரடிச்சி இருப்பீங்க.ஒரே விளையாட்டை எத்தனை முறைதான் விளையாடுவது.
அதனால அக்கா இங்கே ஒரு படம் போட்டிருக்கேன்.அது மேலே எலிக் குட்டிய [மவுஸ்]வைத்து சொடுக்கினா பெரிதாகும்.

அங்கே 'ஸ்டார்ட்' னு ஆரம்பிச்ச இடத்திலிருந்து 'ஃபினிஷ்' வரை உங்க எலிக்குட்டியை [மவுஸை ] நகர்த்திக் கிட்டு வாங்க.

ஒரே ஒரு சரியான பாதைதான் இருக்கு.தவறான பாதையைத் தேர்ந்தெடுத்தா நீங்க ஏப்ரல் முட்டாளாக மாறவும் வாய்ப்பிருக்கு.நிறைய தடைகளும் இருக்கு.

ஆனால் நீங்கதான் புத்திசாலிகளாச்சே நிச்சயம் வெற்றி பெறுவீங்க.

இந்த படத்தை பிரிண்ட் அவுட் எடுத்தும் பென்சிலின் உதவியோடு வழி கண்டு பிடிக்கலாம்.

முயலுங்கள் !வாழ்த்துக்கள்!!.

உலகின் மிகப் பெரிய ராட்சத உயிரினம்

2007-12-14T13:09:00.001+05:30

அன்பு குழந்தைகளுக்கு அக்காவின் வணக்கம்
அக்காவுக்கு கொஞ்சம் வேலை அதிகம்.நீங்களும் பரீட்சை அது இதுன்னு பிஸியா இருப்பீங்கதானே.

உலகின் மிகப் பெரிய ராட்சத உயிரினம்[living organism] எதுன்னு சொல்லுங்க பார்ப்போம்.

என்ன நீலத் திமிங்கலமா..[bluewhale].இல்லையே..அது விலங்கினத்தில் மிகப் பெரியதுதான்னாலும்,
நான் சொல்லப் போகும் உயிரினம் தாவரவகையைச் சேர்ந்தது.

அதன் பேர் ஹனி மஷ்ரூம்[honey mashroom]..

நேத்து பெய்த மழைக்கு இன்று குடை பிடிக்கும் காளான் னு சொல்லுவாங்கல்லே..அந்த வகையைச் சேர்ந்ததுதான் ஹனி மஷ்ரூம்.

நிலப் பரப்பில் இர்ருந்து மூன்று அடி ஆழத்தில் காணப்படும் இது சுமார் 3.5 மைல் நீளத்திற்கு [கிட்டத்தட்ட 2200 ஏக்கர் பரப்பளவிற்கு] பரந்து காணப்படும்.
இது 1000 கால்பந்து மைதானத்தின் பரப்பளவை உள்ளடக்கியதாம்.
அமெரிக்காவில் கிழக்கு ஓரிகன் மாநிலத்தில் காணப்படும் இந்த ராட்சத காளான் ஆர்மில்லாரியா ஆஸ்டோயா எனப்படும் பூஞ்சை வகையைச் சார்ந்தது.இதுவே உலகின் மிகப் பெரிய உயிரினம்.

இது மரங்களின் வேர்களில் உள்ள நீரையும் சத்துக்களையும் உறிஞ்சி உயிர் வாழக்கூடிய ஒரு ஒட்டுண்ணி வகை உயிரினம்.

ஓரிகன் மாகாணத்தில் ஒரு குறிப்பிட்ட பகுதியில் காடுகளில் மரங்கள் அழிந்ததைக் கண்டு ஆராய்ந்த பிறகே இந்த ஹனி காளான் இருப்பது கண்டறியப்பட்டது.சுமார் 2400 வருடங்களுக்கு முந்தைய இது 7200 ஆண்டுகள் வரையிலும் இருக்கக்கூடியதாம்.
எடையளவில் 650 டன் இருக்கும் இது ஒரே ஒற்றை உயிரினமாகக் கருதாப்பட்டால் உலகின் மிகப் பெரிய உயிரினம் இதுதான்.
வாஷிங்டன் [1500 ஏக்கர்],மிச்சிகன்[37 ஏக்கர்] பகுதியிலும் இதே வகை ராட்சத காளான் கண்டு பிடிக்கப் பட்டாலும் ஓரிகன் மாநிலத்தில் இருப்பதே பரப்பளவில் பெரியது.

குட்டிஸ்களின் தீபாவளி வாழ்த்துக்கள்

2007-11-08T09:16:00.001+05:30

எல்லார்த்துக்கும் திபாவளி வாழ்த்துக்கள்

நாம வெடிக்கிற பட்டாசு இது மாதிரி சின்ன சின்ன குட்டீஸ்களின் உழைப்புல வந்ததுங்கறத நாம மறக்காம, அவர்களின் நல்வாழ்வுக்கு எங்கள் குட்டீஸ்களின் பிரார்த்தனை. அவர்களுக்கும் வாழ்த்துக்கள்

மாதினி, அவந்திகா, பேபி.பவன், நிலா பாப்பா,

கண்மணி அக்காவின் தீபாவளி வாழ்த்துக்கள்

வாழ்த்துக்கள் அவந்தி அக்கா

2007-10-18T07:11:00.001+05:30

குட்டீஸெல்லாம் சேர்ந்து அவந்தி அக்கா பிறந்தநாளுக்கு

டேன்ஸ் ஆடறாங்க பாருங்க.

பிறந்த நாள் வாழ்த்துக்கள் உங்களுக்கு

பிறந்த நாள் வாழ்த்துக்கள் எங்க அன்பு அவந்தி அக்காவுக்கு..

(ஹேப்ப்பி பர்த்டே டு யூ ராகத்தில் பாடி இருக்கோம்.)

சாப்பாட்டுக்குப் பின் செய்யக்கூடாதவை ஏழு...

2007-10-15T21:00:00.001+05:30

.

அன்பான குட்டிகளுக்கு உங்களுக்கு ஒரு ....இல்லை யில்லை ஏழு செய்யாதே கட்டளைகள்...உங்க அண்ணா அக்கா எல்லோருக்கும் சொல்லுங்களேன்.

7 dont's after a meal:

1* Don't smoke- [for elders]

Experiment from experts proves that smoking a cigarette after meal is comparable to smoking 10 cigarettes (chances of cancer is higher).

2* Don't drink tea -

Because tea leaves contain a high content of acid. This substance will cause the Protein content in the food we consume to be hardened thus difficult to digest.

3* Don't eat fruits immediately - Immediately eating fruits after meals will cause stomach to be bloated with air. Therefore take fruit 1-2 hr after meal or 1hr before meal.

4* Don't loosen your belt -

Loosening the belt after a meal will easily cause the intestine to be twisted & blocked.

5* Don't bathe -

Bathing will cause the increase of blood flow to the hands, legs & body thus the amount of blood around the stomach will therefore decrease. This will weaken the digestive system in our stomach.

6* Don't walk about -

People always say that after a meal walk a hundred steps and you will live till 99. In actual fact this is not true. Walking will cause the digestive system to be unable to absorb the nutrition from the food we intake.

7* Don't sleep immediately -

The food we intake will not be able to digest properly. Thus will lead to gastric & infection in our intestine.

இந்த தகவல்கள் ஒரு மின்னஞ்சலாக எனக்கு வந்தவை.இது முன்பே பதிவிடப்பட்டதா எனத்தெரியவில்லை.இருப்பின் அந்த பதிவர் மன்னிக்கவும் தவறாக நினைக்க வேண்டாம்.மேலும் இதில் உள்ள கருத்துக்கள் ஆதாரபூர்வமானவையா என்ற கேள்வியும் எழுப்பப் படுகிறது.அனுபவ ரீதீயாக பெரும்பாலும் சரியானாதே

நன்றி:வித்யாகலைவாணி

சுருள் படங்கள் செய்வோமா?

2007-10-01T22:46:00.001+05:30

படம் வரைந்து சலிப்பாக இருக்கின்றதா?

வாருங்கள் ஒரு புது வகையான வரையும் முறையைக் கற்றுக்கொள்ளலாம்.

இதற்கு தேவையான பொருட்கள்

வர்ண காகிதங்கள்

தூரிகை/பென்சில்

முதலில் ஒரு வர்ண தாளை எடுத்து அதை 1 cm அகலத்திற்கு வெட்டி கொள்ளவும் .

தூரிகை எடுத்துக் கொள்ளுங்கள்.வெட்டிய தாளை அதன் பிடியில் இறுக்கமாக சுருட்டி கொள்ளவும்

முழுமையாக சுற்றி முடித்த பின் தூரிகையை வெளியே எடுத்து விடுங்கள்
இப்பொழுது உங்களுக்குப் படத்தில் காட்டப்படுள்ளது போல சுருள் தாள் கிடைக்கும்.

இதே மாதிரி பல வண்ணங்களிலும்,அகலங்களிலும் சுருள் தாட்களை தயாரிக்கலாம்

நீங்கள் நீண்ட காகிதங்களை உபயோகித்தால் இன்னும் நீண்ட சுருள்கள் கிடைக்கும்

இந்த படத்தில் உள்ள நீல தாள் பாதி அளவிற்கு மட்டுமே சுற்றப்பட்டுள்ளது.
இப்படி செய்யும் பொழுது உங்களுக்கு
இந்த மாதிரி நேர்தியான தாள்,இறுதியில் மட்டுமே சுருளுடன் கிடைக்கும்.இது ஒரு வகை சுருள்

அடுத்த முறை தாளின் இருப்பக்கமும் சுருள் இருக்கும்.இப்படி செய்ய அதன் இறுதியில் மட்டும் தூரிகையால் சுருட்ட வேண்டும்,பிறகு இதே மாதிரி அடுத்த இறுதியையும் சுருட்ட வேண்டும்

சரி இப்படி சுருட்டிய தாட்களை வைத்து என்ன செய்வது?படங்களைப் பாருங்கள்.இந்த மாதிரி சுருள்களை வைத்து அதை ஒட்டி இந்த மாதிரி புதுவகையான படங்களை நீங்களும் தயாரிக்கலாம். முயன்று பாருங்கள்.வாழ்த்துக்கள்

நன்றி:ART ATTACK

அமிலமழைன்னா என்ன தெரியுமா?

2007-09-21T20:36:00.001+05:30

அன்பான குழந்தைகளே

உங்களுக்கெல்லாம் அமிலமழைன்னா என்னன்னு தெரியுமா?
அதுக்கு முன்பாக அமிலத்தன்மைன்னா என்ன காரத் தன்மைன்னா என்னன்னு பார்ப்போம்.
ஒரு திரவம் அல்லது கரைசலின் ஹைட்ரஜன் அயனிச் செறிவின் மதிப்பைக் கொண்டே அதன் அமிலத் தன்மை அறியப் படுகிறது.
இதை pH என்ற அளவால் குறிப்பிடுகிறோம்.

pH= -log10^H+

அதாவது ஒரு கரைசலின் ஹைடரஜன் அயனிச் செறிவினுடைய 10 அடிப்படையாகக் கொண்ட மடக்கையின் எதிர்மறை எண்ணாகும்.[negative logrithm to the base 10 of hydrogen ion concentration]
இப்படி பத்தின் ம்டங்காக இருப்பதால் ஒரு அலகு [unit]pH மாற்றம் என்பது முன்னயதைவிட பத்து மடங்கு அதிகமாக இருக்கும்.
இனி சில பொருட்களில் உள்ள அமிலத்தன்மையைப் பார்ப்போம்.

[படத்தின் மீதுகிளிக்கிப் பார்க்கவும்[

pH மதிப்பு

7 என்பது நடுநிலைக் கரைசலையும்
<7 என்பது அமிலக் கரைசலையும்
>7 என்பது காரத்தன்மையையும் குறிக்கும் என்பது உங்களுக்கு விளங்கியிருக்கும்.

சாதாரண மழை நீரின் pH மதிப்பு 5.6. ஆனால் சுற்றுச் சூழல் மாசு படுதலால் வளிமண்டலத்தில் சேரும் கரியமில வாயு [C02] மழை நீருடன் சேர்ந்து கார்பானிக் அமிலமாக மாறும்போது மழை நீரில் pH குறைந்து அமிலத் தன்மை அதிகரிக்கிறது. இதைத்தான் அமில மழை என்கிறோம்.
இது மட்டுமல்லாமல் வளிமண்டலத்தில் சேரும் நைடஜன் -டை-ஆக்ஸைடு ,கந்தக -டை-ஆக்ஸைடும் மழை நீருடன் அமிலமாக மாறுவதால் அமிலமழை பெய்கிறது.இது பயிர்களுக்கு சேதம் விளைவிப்பதோடு பளிங்கினால் கட்டப் பட்ட பெரிய கட்டிடங்கள்,நினைவுச் சின்னங்களையும் சிதிலமடையச் செய்கிறது.

உருண்டைப் பறவை- குட்டிஸ் கதை

2007-09-18T21:09:00.000+05:30

ஒரு ஊர்ல ஒரு அதிசியமான உருண்டை பறவை இருந்துச்சு. பறவைன்னா பறக்கனும் இல்ல குட்டீஸ். ஆனா இந்த பறவையினால பறக்க முடியாது.

அதுக்கு ஒரே கவலை. ஏதுனாச்சும் பண்ணி பறந்தே ஆகனும்னு உருண்டை பறவைக்கு.

அதுக்காக ஒரு மரத்தை தேர்ந்தெடுத்துச்சு.

மரத்து மேல கஷ்டப்பட்டு ஏறுச்சு. பறந்து போய் உக்கார முடியாது இல்ல.

மரத்துமேல உக்கார்ந்து அதோட ரெக்கையை அடிச்சு பறக்க முயற்சி செய்துச்சு

ஆனா அதுனால பறக்க முடியலை. தொப்புன்னு கூழ விழுந்துறுச்சு

ஆனா பாருங்க குட்டீஸ் கீழ விழுந்தாலும் அதுக்கு அடி படலை. மரத்து மேல ஏறதுக்கு முன்னாடியே கீழ இலை எல்லாம் பரப்பி வச்சுறுச்சு. அதனால கீழ விழுந்தாலும் அடி படலை.

அப்புறம் தான் அதுக்கு புரிஞ்சது. எல்லாப் பறவைகளும் உருண்டையா இருக்காது. உருண்டையா இருக்குறது தான் இந்தப் பறவையோட சிறப்பு.

அது மாதிரி பறக்குறதும் சில பறவைகளின் சிறப்பு. அது புரிஞ்ச பின்னாடி தேவையில்லாம அந்த முயற்சி செய்யறதை நிறுத்திருச்சு.

குட்டீஸ் அதனால ஒவ்வொருத்தருக்குள்ளும் இருக்கும் திறமையை தெரிந்து அதை வளர்த்துக்கொள்ள வேண்டும்.

குட்டீஸையும் சேர்த்துக்கோங்க கலர் போட்டிக்கு

2007-09-14T09:10:00.000+05:30

Atleast Participation Prize for Kutties? :-))

from Avanthika, Mathini and Anjali

சின்னதா இருக்கப்பவே திருத்திக்கனும் - குட்டீஸ் கதை

2007-09-13T20:23:00.000+05:30

ஒரு ஊர்ல ரொம்ப குறும்பு பண்ணீட்டு இருந்த ஒரு பையனை திருத்த நினைச்ச அவனோட அப்பா, அந்த ஊர்ல இருந்த தாத்தா ஒருவர் கிட்ட சொன்னார். '' இவன ரொம்ப சோம்பேரி. என்ன சொன்னாலும் சில பழக்க வழக்கங்களை மாத்த மாட்டேங்குறான். நீங்க தான் அவன திருத்தனும்'' னு சொன்னார்.

தாத்தா அவனை ஒரு காட்டுக்கு கூப்புடுட்டு போனார். அங்க இருந்த ஒரு குட்டி செடிய பிடுங்க சொன்னார். உடனே ரொம்ப ஈசியா பிடிங்கிட்டான்.

அப்புறம் கொஞ்சம் பெரிய செடிய பிடுங்க சொன்னார். கொஞ்ச முயற்சி பண்ணி பிடுங்கினான்.

இன்னும் பெரிய புதர் மாதிரி இருந்ததை பிடுங்க சொன்னப்போ ரொம்ப கஷ்டப்பட்டு பிடுங்கினான். அதுக்குள்ள அவன் ரொம்ப களைப்பா ஆயிட்டான்.

அப்புறம் ஒரு பெரிய மரத்தை காட்டி, அதை பிடுங்க சொன்னார். ஆனா அவனால முடியலை. என்னால முடியாது அப்படீன்னு சொல்லிட்டான்.

தாத்தா சொன்னார், '' இது பாரு, இப்படித்தான் நீ சின்ன பையனா இருக்கப்பவே உன்கிட்ட இருக்குற சோம்பலையும், சில கெட்ட பழக்க வழக்கங்களையும் மாத்திக்கனும். பெரியவனான்னா அது கிட்ட இருந்து விலகறது ரொம்ப கஷ்டம். விலகவும் முடியாது. உங்க அப்பா சொல்ற மாதிரி கேட்டு நடந்தேன்னா, நீ நல்லா இருப்பே'' னு சொன்னார்.

பையனும் அவங்க அப்பா சொன்ன மாதிரி நல்லபடியா நடந்து வாழ்கையில பெரிய ஆளா ஆயிட்டான்.

எந்த எண்ணையும் சுலபமாய் ஒன்பதால் பெருக்கலாம்

2007-09-12T20:36:00.000+05:30

அன்புக் குழந்தைகளே

பெரிய பிள்ளைகளுக்கு வாய்ப்பாடு நன்கு தெரிந்திருக்கும்.
சின்னப் பிள்ளைகளுக்கு பெருக்கல் வாய்ப்பாடு கொஞ்சம் சிரமம் தானே?

இதோ ஒரு எளிய ஒன்பதாம் வாய்ப்பாடு!!!.நோட்டுப் புத்தகம் பேனா உதவி இல்லாமல் கையாலேயே மிகச் சுலபமாய் ஒரு 9 ஆம் பெருக்கல் வாய்ப்பாடு!!!!.
[அதுக்கு மட்டும் தான் சாத்தியம் பிள்ளைகளே!!!

செய்ய வேண்டியது:

1.உங்கள் இரு கைகளையும் உள்ளங்கை தெரியுமாறு விரித்துக் கொள்ளுங்கள்.

2.இடது கை விரலில் இருந்துதான் 1 முதல் 10 வரை எண்ணத் தொடங்க வேண்டும்.

3.எந்த எண்ணை ஒன்பதால் [9 ஆல்] பெருக்க நினைக்கிறீர்களோ அந்த எண்ணுள்ள விரலை மடக்கிக் கொள்ளவும்.

4.பின்பு இடது பக்கத்தில் மீதமுள்ள கை விரல்களையும் வலது பக்கத்து மீதமுள்ள விரல்களையும் சேர்த்தால் அதுதான் அந்தக் கணக்கின் விடை.

என்ன குழம்புகிறதா?

உதாரணமாக 9x4=36

படத்தில் உள்ளது போல

உங்கள் இடது கையில் 4வது விரலை மடக்கியிருப்பீர்கள்.[ஏனெனில் 4 ஆல் பெருக்க]
4 வதுக்கு முன் மீதமுள்ளவை =3 விரல்கள்.
4 வதுக்குப் பின் உள்ளவை 6[இடதில்1+வலதில்5]

3...6..=36 தான் விடை

இன்னொரு கணக்கு 9x7=63 இந்த விடை எப்படி வந்தது என்பதை கீழே உள்ள படத்தில் பாருங்களேன்.

என்ன பிள்ளைகளா மிகச் சுலபமாய்த் தோன்றுகிறதா? இனி ஒன்பதாம் வாய்ப்பாடுன்னா பயமில்லைதானே?

பத்து இல்லையெனில் பத்தாது.............

2007-09-09T09:14:00.000+05:30

ஹலோ குட்டீஸ்!

இதோ உங்களுக்காக சின்னதாய் பத்து முத்தான விஷயங்கள்

The Most Selfish " 1 " letter word.

" I " ---> Avoid It

The Most Satisfying " 2 " letters word.

" We " ---> Use It..

The Most Poisonous " 3 " letters word.

" Ego" ---> Kill It..

The Most Used " 4 " letters word.

" LOVE " --> Value It.

The Pleasing " 5 " letters word.

" SMILE " -->Keep It.

The Fastest Spreading " 6 " letters word.

" RUMOUR " --> Ignore it..

The Hardest working " 7 " Letters Word.

"SUCCESS " --> Achieve it..

The Most enviable " 8 " letters word.

" JEALOUSY " --> distance It..

The Most Powerful " 9 " word letters word.

" KNOWLEDGE " --> Acquire It.

The Most essential " 10 " letters word

" CONFIDENCE " -- > "Trutst It.

டிஸ்கி: ஒரு நண்பரின் மெயிலிலிருந்து.......

நண்பருக்கு நன்றி.

குட்டீஸ் இங்க பாருங்க Something interesting

2007-09-06T06:37:00.000+05:30

a, b, c & d - இந்த நான்கு எழுத்துக்களும் ஒன்றில் இருந்து 99 வரையிலான எண்களின் ஆங்கில வார்த்தைகளில் ( spellings) எங்கும் வருவதில்லை. முதல் தடவையாக ''Hundred'' என்ற வார்த்தையில் வருகிறது.

a, b & c எழுத்துக்கள் ஒன்றில் இருந்து 999 வரையிலான எண்களின் ஆங்கில வார்த்தைகளில் எங்கும் வருவதில்லை. முதல் முறையாக ''Thousand'' என்ற வார்த்தையில் வருகிறது.

B & C எழுத்துக்கள் ஒன்றில் இருந்து 999,999,999 வரையிலான எண்களின் ஆங்கில வார்த்தைகளில் எங்கும் வருவதில்லை. முதல் முறையாக Billion என்ற வார்த்தையில் வருகிறது.

இன்னொரு சுவாரஸ்யமான விஷயம் 'C' எழுத்து எந்த எண்ணின் ஸ்பெல்லிங்கிலும் இல்லை.

ஆசிரியர் தினம் - குட்டீஸின் வணக்கங்கள்

2007-09-04T23:18:00.000+05:30

நாம இப்போ யாராயிருந்தாலும் அதுக்கு முக்கிய காரணாயிருக்கறவுங்க நம்ம ஆசிரியர்கள்.

மேல படத்துல இருக்குறது யாருன்னு தெரியுதா குட்டீஸ். இவர் தான் ஓமர் முக்தர். The Lion of the Desert என்று எல்லோராலும் அழைக்கப்பட்டார். எங்க மேக்ஸ் சார் எப்பவும் இவர பத்தி சொல்லுவார். லிபியா நாட்டின் சுதந்திரத்திற்காக போரிட்டவர். இத்தாலிக்கு எதிரா போரிட்டு அவர்களுக்கே ஒரு நடுக்கம் வர வைத்தவர். இவர் ஒரு ஸ்கூல் டீச்சர். அவரோட வழி நடத்தலும், நம்பிக்கையும் தான் அவரோட இருந்தவங்களுக்கு டானிக். அவரைப் பொருத்தவரைக்கும் முதலில் ஆசிரியர்கள் கற்றுக் கொடுத்தப்டி நடக்க வேண்டும்.

எல்லா ஆசிரியர்களுக்கும் இன்னைக்கு என்னோட வணக்கத்தையும் நன்றியையும் உங்க எலலார் சார்புலேயும் சொல்லிக்குறேன்.

தருமி ஐயா, கண்மணி அக்கா, காயத்திரி அக்கா அவர்களுக்கு என் வணக்கங்கள். எல்லா குட்டீஸ்க்கு உங்கள் ஆசீர்வாதமும் வாழ்த்துக்களும் வேண்டி

அவந்திகா

குழந்தைகளுக்காக ஒரு புதிர்

2007-09-02T23:03:00.001+05:30

பிள்ளைகளே இந்தப் பதிவில் ஒரு ஆங்கில புதிரும் சில கேள்விகளும் கேட்கப் போறேன்.அம்மா/அப்பா/ அக்கா/அண்ணா உதவி இல்லாமல் நீங்களாகவே முயற்சித்துப் பாருங்க. பிறகு அடுத்த பதில் சரியான பதிலைத் தெரிந்து கொள்ளுங்கள்:

unscramble each group of letters to findout a correct word
whose meaning is similar to the clue given:

1.dull: IPISIDN

2.of an island : ALURNIS

3.examine: ECPNIST

4.place in position : LNISALT

5.at once: NTSIATN

6.close to shore : IRESNHO

7.instill: PENSRII

******************************************************

சில கேள்விகள்:

1.சிரிப்பூட்டும் வாயு என்பது எது?

2.திரவ நிலையில் உள்ள உலோகம் எது?

3.நியூட்டனின் மூன்றாம் விதி என்ன?

4.அணுவில் உள்ள பொருட்கள் எவை?

5.ஹைபிஸ்கஸ் என்பது எந்த மலரின் தாவரவியல் பெயர்.?

முயற்சி செய்யுங்கள் அடுத்த பதிவில் சந்திக்கிறேன்

கண்மணீ

விளையாட்டுலயே பாடம் படிக்கலாம்

2007-09-01T19:48:00.002+05:30

அம்மா சமைக்கிற நேரத்துக்குள்ள ஆரோக்கியமான பண்டம் நாமே தேடிச் சாப்பிடுவோமா?
சமையலறை இங்கே இருக்கு .
கண்ணாடி,ரப்பர்,காகிதம்,இரும்பு,துணி இந்த எல்லா பொருள்களோட தண்ணி உறிஞ்சுமா, ஒளி ஊடுறுவிப்போகுமா , கடினமானதா என்று அதன் தன்மைகளை இங்கே க்ளிக் செய்து பார்த்தே நாம கண்டுபிடிக்கலாம் . இல்லன்னா கீழேயே கூட விளையாடலாம்.

மாடர்ன் முயலும் முட்டாள் ஆமையும்..

2007-08-31T21:23:00.000+05:30

ஹாய் குட்டீஸ்!

உங்களுக்கு புதிய முயல் ஆமை கதை தெரியுமா?

ஒரு காட்டுல இருந்த முயலுக்கும் ஆமைக்கும் ஓட்டப் பந்தயம் வச்சாங்களாம்.

முயலோட போட்டி போட முடியாது. உன் தகுதிக்கு மீறி ஆசைப் படாதேன்னு ஆமையோட பிரண்ட்ஸ் சொன்னாங்களாம்.

அதுக்கு ஆமை சொல்லிச்சாம் 'போங்கடா பயந்தாங்கொல்லிகளா. இதுக்கு முன்னாலே எங்க தாத்தா இப்படித்தான் ஒரு முயலோட ஓட்டப் பந்தயத்துல கலந்துகிட்டாராம். தான் பலசாலி வேகமா ஓடுபவன் னு திமிரோட அந்த முயல் ஒரு மரத்து அடியில் படுத்துத் தூங்க எங்க தாத்தா ஆமை மெதுவா ஓடிப் போயி ஜெயிச்சிடுச்சாம்.

அப்போ அந்த ஜட்ஜ்'ஸ்லோ வின் த ரேஸ்னு'
தன்னைப் பத்தி கர்வமாயிருப்பவன் ஜெயிக்கிறதில்லை அப்படீன்னு சொன்னாராம்.

அதனால நானும் ஜெயிச்சுக் காட்டுவேன்னு' சொல்லியதாம்.

போட்டி நாள் அன்னைக்கு ரெண்டும் ஓடத் தொடங்கியதாம்.

வேகமா ஓடிய முயல் பின்னால ஆமை வராததால சரி கொஞ்சம் தூங்கி ரெஸ்ட் எடுப்போமென்று ஒரு மரத்து நிழல்ல படுத்து விட்டதாம்.

மெதுவா ஓடி வந்துகிட்டிருந்த ஆமை வெகு நேரம் கழித்து முயல் தூங்கும் மரத்தருகே வந்ததாம். மரத்தடியில முயல் தூங்குவதைப் பார்த்ததாம்.

ஆஹா இந்த முயல்கள் என்னைக்குமே கர்வம் புடிச்சவர்கள்.
திருந்தவே மாட்டார்களோ என்று நினைத்தபடி ஓட்டத்தைத் தொடர்ந்ததாம்.

திரும்பித் திரும்பி பார்த்தபடி ஓட முயல் கண்ணுக்கு எட்டிய தூரம் வரை காணலையென்றதும் தன் தாத்தாவைப் போலவே தான் தான் ஜெயிக்கப் போறோம்னு ஆமைக்கு சந்தோஷமாம்.

வின்னிங் பாயிண்ட்டை நெருங்கும் போது பின்னால் வேகமாக முயல் வருவது தெரிந்ததாம்.
ஓடி வந்த முயல் வின்னிங் பாயிண்ட்டை முதலில் தொட்டு ஜெயித்ததாம்.

ஆமைக்கு ஒரே ஆச்சரியம் .அதோடு சந்தேகமும்.

நல்லா தூங்கிக் கொண்டிருந்த முயல் எப்படி திடீரென்று ஓடி வந்து ஜெயிச்சிடுச்சு.ஒருவேளை பயத்துல நாமதான் கனவு காண்கிறோமா இல்லை பிரமையா ன்னு தன்னையே கிள்ளிப் பார்த்ததாம்.

முயல் சிரித்துக் கொண்டே சொல்லியதாம்,'நண்பா எல்லா நேரத்திலும் எல்லோரும் ஒரே மாதிரி நடந்துக்க மாட்டாங்க.எங்க தாத்தா ஏதோ தப்புக் கணக்குப் போட்டு தூங்கியதால தோத்துப் போயிட்டார்.
ஆனா நான் இந்தக் காலத்துப் பிள்ளை.எப்படி டைம் மானேஜ் பண்ணுவதுன்னு தெரியும்.
உன் வேகத்தையும் ஓட வேண்டிய தூரத்தையும் கணக்கு பண்ணி அதுக்கு தகுந்த மாதிரி ரெஸ்ட் எடுத்தேன்.
எப்படி கரெக்ட்டான நேரத்துல விழிச்சேன்னு பாக்கறியா?இதோ பாரு என் கைக்கடிகாரத்தில் டைம் செட் பண்ணி அலாரம் வத்திருந்தேன்.அலாரம் அடித்ததும் எழுந்து ஓடி வந்து உன்னை முந்திவிட்டேன்' என்று சிரித்ததாம்.

ஆமை உடனே,'சாரி நண்பா நான் உன்னைத் தவறாக எடை போட்டுவிட்டேன்.உன் வெற்றிக்கு என் வாழ்த்துக்கள் 'என்று வாழ்த்தியதாம்.

என்ன குட்டீஸ் கதை பிடிச்சிருக்கா? நீதி என்னன்னு கேக்கறீங்களா?

நீதி: யாரையும் தப்புக் கணக்கு [under estimate]பண்ணக்கூடாது
சரியானபடி திட்டமிட்டு [planning]ஒரு வேலையைச் செய்தால் நிச்சயம் வெற்றிதான்.

ஓகே சீ யூ பை
கண்மணி ஆண்ட்டி

எல்லா அண்ணாவுக்கும்....

2007-08-31T07:49:00.000+05:30

லேட் தான் இருந்தாலும் எல்லா அண்ணாவுக்கும் இனிய ரக்ஷாபந்தன் வாழ்த்துக்கள். நாம எப்பவும் இதே போல ஒற்றுமையா இருக்கனும். அண்ணாவ்ங்க எல்லாரும் சந்தோஷ்மா சக்ஸ்ஃபுல்லா இருக்க வாழ்த்துக்கள்

Seeking your Blessings and Wishes

All kutties and akkaas in Tamizmanam

குட்டீஸ் விளையாட்டுக்கள்

2007-08-26T20:40:00.000+05:30

இது எல்லாம் நீங்க விளையாடி இருப்பீங்க இல்ல...நான் இதுல பட்டம் மட்டும் தான் விட்டிருக்கேன்....:-))

சர்தார் ஜோக்ஸ்

2007-08-21T23:19:00.000+05:30

Boss : am giving u job as a driver. STARTING salary Rs.2000/-, is it o.k

Sardar : U R great sir! Starting salary is o.k.......but??how much is DRIVING salary...?

***********************************************
Sardar's theory : Moon is more impt than Sun, coz it gives light atnight when light is needed & Sun gives light during the day when lightis not needed!!!

***********************************************

2 sardars are driving a Car, one puts on the indicator and asks theother to check whether its working, he puts his head out and saysYES...NO...YES...NO...YES...NO...

***********************************************
Sardar shouting 2 his girl friend " u said v will do register marriageand cheated me,

I was waiting 4 u yesterday whole day in the postoffice....

***********************************************

Sardar is in a dissection class of cockroach.

He cuts its 1 leg, andsays, "chal", it walks.

He cuts 2nd and 3rd legs and said, "chal" , it walks.

He cuts all the legs and said, "chal...."

Finally he wrote the conclusion...."after all the legs of a cockroach are cut - it becomes deaf."

***********************************************

A Tamilian call up sardar and asks " tamil therima??

"Sardar got mad, angrily replied.... "Hindi tera baap!!!"

***********************************************

2 sardarjis looking at Egyptian mummy.

Sar 1 : Look so many bandages, pakka lorry accident case.

Sar 2 : Aaho, lorry number is also written...BC 1760!!!....

***********************************************

A sardar on an interview 4 da post detective.

Interviewer : who killed Gandhi?

Sardar : Thank u sir 4 giving me d job, I will start investigating.......

***********************************************

Amitab : In which state Cauvery flows?

Sardar : liquid state.....Audience clapped..

Amitab stunned, looks behind, THEY ALL WERE SARDARS.......

***********************************************

Interviewar: what s ur qualification?

Sardarji : Sir I am Ph.d.

Interviewar : what do u mean by Ph.d?

Sardarji : (smiling) PASSED HIGHSCHOOL with DIFFICULTY....

***********************************************

குட்டீஸ் ''HAPPY FRIENDSHIP DAY''

2007-08-04T22:04:00.000+05:30

எல்லா குட்டீஸ்க்கும் ''HAPPY FRIENDSHIP DAY''

'' The only way to have a friend is to be one."

யார் ஏழை?

2007-08-04T08:38:00.000+05:30

ஒரு பணக்கார அப்பா, அவர் குழந்தைகளுக்கு ஏழைகள் எல்லாம் எப்படி இருப்பாங்க ன்னு காமிக்கிறதுக்காக ஒரு கிராமத்துக்கு கூப்டுட்டு போனார். ரெண்டு நாள் அந்த குடிசையில ஏழை விவசாயிகள் கூட இருந்தாங்க.

திரும்ப வரும் போது, அப்பா கேட்டார், ஏழை எப்படி இருக்காங்கன்னு பார்த்தியா?... இப்ப என்ன சொல்றே?

மகன் சொன்னான் ''ஆமா..அப்பா..என் கிட்ட ஒரு நாய் குட்டி தான் இருக்கு ஆனா அவங்க கிட்ட நாலு இருக்கு...நம்ம வீட்ல ஸ்விம்மிங் பூல் கார்டன்ல நடுவுல இருக்கு..ஆனா அவங்க வீட்டு பக்கத்துல அழகான ஆறு ஓடுது... நாம கலர் கலரா லைட் போட்டு, படங்கள் மாட்டி நம்ம வீட்டு அழகு படுத்தறோம்..ஆனா அவங்க வீட்டுல் ரெயின்போ அழகு படுத்துது...நம்ம சுவரோட நம்ம வீட்டு எல்லை முடிஞ்சுடுது...ஆனா அவங்களுக்கு கண்ணுக்கு எட்டுன் தூரம் வரை அவங்க எல்லை.. நாம காசு குடுத்து அரிசி வாங்குறோம்..ஆனா இவங்க நம்ம கிட்ட அதை விக்கறாங்க.. நம்மள பாதுக்காக்குறதுக்கு நம்மள சுத்தி சுவர் மட்டும் தான் இருக்கு...ஆனா இவங்க பாதுகாப்புக்கு நண்பர்கள் இருக்காங்க..

அப்பா!..நாம எவ்வளவு ஏழைனு புரிய வச்சதுக்கு நன்றி அப்பா"னு சொன்னான்.

அவங்க அப்பா வாயடைச்சே போயிட்டார். அவருக்கும் இப்ப நிறைய விஷயங்கள் புரிஞ்சது.

குட்டீஸுக்கு ஒரு புதிர்

2007-07-23T20:38:00.001+05:30

கீழே உள்ள வாத்தைகளில் எது எதனுடன் பொருந்தும் என்று கண்டு பிடிங்க.

choose the right 'son' word to match with the following phrases.

season...venison...treason....prison..mason....
crimson....parson...reason....bison...lesson

1.jail

2.a clergyman

3.flesh of deer

4.a colour

5.cause

6.a teacher takes this

7.summer is one

8.a wild buffalo

9.treachery

10.kind of labour

பேசும் மாய விளக்கு

2007-07-10T20:10:00.000+05:30

ஒரு ஊர்ல ஒரு வயசான பாட்டி தனியா வசித்து வந்தாங்க.

அந்த ஊர்ல கொஞ்ச நாளா திருடங்க நடமாட்டம் அதிகமிருந்தது.

ஒரு நாள் பாட்டி வெளியே போய்விட்டு வந்து பார்த்த போது வீட்டுக் கதவு திறந்திருந்தது.

உள்ளே போன பாட்டிக்கு வீட்டுக்குள் ஒரு திருடன் திரைச்சீலைக்குப் பின்னால் மறைந்து இருப்பது தெரிந்து விட்டது.

அவனை எப்படியும் தப்பிக்க விடாமல் புத்திசாலித் தனமாக பிடிக்கனும்னு நெனச்ச பாட்டி உடனே ஒரு தந்திரம் செய்தாள்.

அங்கிருந்த விளக்கு ஸ்டேண்டின் முன் நின்று கொண்டு ,'மாய விளக்கே என் மீது கோபமா?நான் வெளியே போய் வந்ததும் என்ன நடந்தது என்று கேட்பாயே இன்று ஏன் கேட்கவில்லை' என்றாள்.

இதைக் கேட்டதும் திருடனுக்கு ஆச்சரியம்.பேசும் விளக்கா என்று எட்டிப் பார்த்தான்.

விளக்கு திரைச்சீலையின் அசைவில் லேசாக ஆட பாட்டி,' கோபமில்லையா?அப்படியானால் என்ன நடந்தது சொல்கிறேன் கேள்.பக்கத்து வீட்டு ஜூலி இன்று கடைத் தெருவுக்குப் போகும் போது ஒரு நாய் அவளைத் துரத்தியது.அவள் சத்தம் போட்டுக் கத்தினாள்.''

மீண்டும் விளக்கு காற்றில் அசைய ,'ஓ எப்படிக் கத்தினாள் என்று கேட்கிறாயா' என பாட்டி கேட்டாள்.

திருடனுக்கோ ஒன்றும் புரியவில்லை.நமக்கு மட்டும் ஒன்னும் கேட்கலை.விளக்கு ஆடுவது தெரியுது.ஆனால் கிழவி பேசுகிறாளே என்று குழம்பினான்.

''மாய விளக்கே ஜூலி எப்படிக் கத்தினாள் என்று சொல்கிறேன்'' என்றபடி பாட்டி 'ஹெல்ப் ஹெல்ப் என்று உரக்கக் கத்த அக்கம் பக்கம் வீட்டுக்காரர்கள் பாட்டிக்கு ஏதோ ஆபத்து என்று ஓடி வந்தவர்கள் திருடனைப் பிடித்து போலிஸில் ஒப்படைத்தனர்.

பாட்டியிடம் உங்களுக்கு துணைக்கு ஆள் வேண்டுமா என்று கேட்டபோது,'வேண்டாம் எனக்குத்தான் மாய விளக்குத் துணை இருக்கே 'என்று சிரித்தாள்.

பாட்டியின் சமோயோசித புத்தியைப் பாராட்டிச் சென்றனர்.

நீதி:ஆபத்துக் காலத்தில் சிந்தித்து செயல் பட்டால் அதிலிருந்து நல்லபடியாக நம்மைக் காத்துக் கொள்ளலாம்

மெத்தப் படிப்பும்....உருகிய வெண்ணையும்...

2007-07-08T18:54:00.000+05:30

ஒரு ஊர்ல அண்ணன் தம்பி ரெண்டு பேர்.

அண்ணனுக்கு படிப்பு வரலை.அதனால அவன் ஆடு மாடுகளை வயலுக்கு அழைத்துச் சென்று மேய்க்கத் தொடங்கினான்.

தம்பி கெட்டிக்காரன்.அவன் பள்ளிக்கூடம் சென்று படித்து வந்தான்.வகுப்பிலும் அவன் தான் முதலிடம்.

அவர்களுடைய அம்மா பெரிய மகன் அலைந்து திரிந்து மாடுகளை மேய்க்கிறான் என்பதற்காக அவனுக்கு நல்ல சாப்பாடு,முட்டை, பால் எல்லாம் கொடுப்பார்.

தம்பி பாடம்தானே படிக்கிறான் அவனுக்கு அதிக உழைப்பு இல்லை என்பதால் அண்ணனுக்குக் கொடுப்பதை விட குறைவாகவே கொடுப்பார்.

ஒரு நாள் அவங்க வீட்டுக்கு ஒரு உறவுக்கார பாட்டி வந்தாங்க.

அம்மா செய்வதைப் பார்த்து ஏன் இப்படி செய்கிறாய் என்று கேட்க அம்மா கடினமான உழைப்பு மாடு மேய்ப்பவனுக்குத்தானே படிப்பவனுக்கு அவ்வளவு சக்தி விரையமாகாது என்றாள்.

பாட்டி சொன்னாங்க பெரியவன் மாடுகளை வயலில் அவிழ்த்து விட்டு விட்டு நன்றாக மரத்தடியில் படுத்துத் தூங்குகிறான்.
அவனுக்கு எந்த கவலையும் இல்லை.

ஆனால் படிப்பவனுக்குத்தான் அதிக உழைப்பு தேவைப்படும்.பாடங்களைப் படிக்கவும்,எழுதவும் ,மனனம் செய்யவும் ,பரீட்சைக்குத் தயாராகவும் என இவனுக்கு வேலை இருந்து கொண்டேயிருக்கும்.
மேலும் பள்ளியில் பல போட்டிகளில் கலந்து கொள்ளவும் செய்கிறான்.
இப்படி படிக்க விளையாட என அதிக சக்தி தேவைப் படும். படிப்பது என்பது சுலபமல்ல என்று கூறினாள்.

இதைச் சோதித்துப் பார்க்க அம்மாவுக்கு ஒரு உபாயமும் சொன்னாள்.

இரவு தூங்கும் போது இருவரின் தொண்டைக்குழியிலும் ஒரு உருண்டை வெண்ணையை வைக்கச் சொன்னாள்.

மறுநாள் காலையில் எழுந்து பார்த்த போது மாடு மேய்க்கும் பெரியவனின் தொண்டைக் குழியில் வெண்ணை அப்படியே இருந்தது.

படிக்கும் சின்னவனின் தொண்டைக் குழியில் வெண்ணை உருகி விட்டிருந்தது.

பாட்டி சொன்னாள் 'படிப்பவனுக்கு எந்த நேரமும் அதே சிந்தனை,கவலை ,பயம்.அதனால் உடல் சூடாகி வெண்ணை உருகி விட்டது.

ஆனால் மாடு வீட்டுக்கு வந்த பிறகு மறு நாள் வரை பெரியவன் கவலைப் படுவதில்லை.
எனவே அவன் உடல் குளிர்ச்சியாக இருக்கிறது.எனவேதான் வெண்ணை உருகவில்லை.

அம்மா புரிந்து கொண்டு படிக்கும் சின்ன மகனுக்கும் நல்ல உணவு,பால்,பழம் எல்லாம் தரத் தொடங்கினாள்.

குட்டீஸ் படிப்பதாலும், விளையாடுவதாலும் வீணாகும் சக்திக்கு ஈடு செய்ய நீங்கள் நல்ல சத்துள்ள உணவைச் சாப்பிடப் பழகனும்.காய்கறிகள்,கீரைவகைகள்,பழங்கள் பால் எல்லாம் சாப்பிடனும்.

சில குட்டீஸ் காய்கறிகளே சாப்பிட மாட்டாங்க.

சிலபேர் பால் வாசனை பிடிக்காதுன்னு நோ சொல்லிடுவாங்க.

சில குட்டீஸ் சாப்பாடு சாப்பிடாம ஒன்லி 'நொறுக்ஸ்' [ஸ்நேக்ஸ்] மட்டும் சாப்பிடுவாங்க.

வெறும் ஸ்நேக்ஸ்,சாக்லெட்ஸ்,பிஸ்கட்ஸ் மட்டும் சாப்பிடுதலும் பெப்ஸீ,கோக் மட்டுமே அடிக்கடி குட்ப்பதும் தப்பு.

ஆண்ட்டியின் இந்தப் பதிவையும் படிங்க புரியும்.

ஓகே பை குட்டீஸ்.

அன்புடன் கண்மணி ஆண்ட்டி.

பீர்பால் கதைகள்-பண்டிட்ஜி சேவாராம்

2007-07-02T14:54:00.000+05:30

ஒரு தடவை பீர்பால் கிட்ட சேவாராம் அப்படீங்கரவர் வந்து '' என்னோட அப்பா, தாத்தா இன்னும் அவங்க தாத்தா எல்லாம் பெரிய சமஸ்கிருத பண்டிட்...அவர்ங்களை எல்லாம் அவங்க காலத்துல மக்கள் 'பண்டிட்ஜி' ன்னு கூப்பிடுவாங்க. இப்ப என் கிட்ட எந்த காசோ, பணமோ இல்லை. அது எனக்கு வேண்டாம், ஆனா அவங்களை எல்லாம் கூப்பிட்ட மாதிரி என்னையும் மக்கள் பண்டிட்ஜி னு மக்கள் கூப்பிடனும். அதுக்கு ஒரு வழி சொல்லுங்கன்னு சொன்னாராம்''.

அதுக்கு பீர்பால் சரி அப்ப நான் சொல்றபடி செய்யுங்க. எல்லாரும் உங்களை பண்டிட்ஜீன்னு கூப்பிடுவாங்கன்னு சொன்னாராம். உங்களுக்கு பண்டிட்ஜின்னு கூப்டா பிடிக்காது ன்னு எல்லார்க்கும் தெரியற மாதிரி பண்ணீருங்க அப்புறம் பாருங்கன்னு சொன்னாராம்.

அப்புறம் பீர்பாலும் சேவாராம் இருந்த தெருவுல இருக்குற குழந்தைகள் கிட்ட சேவாராம்க்கு பண்டிட்ஜின்னு கூப்டா பிடிக்காது, அதனால யாரும் அவரை கூப்டாதீங்கன்னு சொன்னாராம். ஆனா குழந்தைகள் அதுக்கு அப்புறம் சேவாராம பண்டிட்ஜீன்னே கூப்பிட..சேவாராமும் அவருக்கு அப்பிடி கூப்ட்டா பிடிக்காத மாதிரி திட்ட ஆரம்பிச்சாராம். அதுக்கு அப்புறம் அந்த ஊர்ல இருந்தவங்க எல்லாரும் அவரை அப்படியே கூப்பிட ஆரம்பிச்சுட்டாங்க.

அவங்க கூப்பிட்டது சேவாராமுக்கு பிடிக்காதுன்னு தெரிஞ்சும் irritate பண்றதுக்காக. சேவாராமுக்கு எப்படியோ அவரை பண்டிட்ஜினு கூப்ட்டா போதும்னு.

ஆடு...புலி...புல்லுக்கட்டு...

2007-07-01T19:15:00.000+05:30

புதிர்:1

ஒரு ஆடு ,புலி,புல்லுக்கட்டு மூன்றும் ஆற்றின் ஒருகரையில் இருக்க மூன்றையும் ஆற்றைக் கடந்து ஒருவன் எடுத்து வர வேண்டும்.

அதுவும் ஒவ்வொன்றாகத்தான் எடுத்து வரனும்.

புலியை முதலில் எடுத்துச் சென்றால் ஆடு புல்லைத் தின்றுவிடும்.

புல்லுக் கட்டை முதலில் எடுத்துப் போனால் புலி ஆட்டைக் கொன்று விடும்.

இப்படி நடக்காமல் மூன்றையும் பத்திரமாய்க் கரை சேர்க்கனும்னா

எப்படிக் கொண்டு போவது?

புதிர்:2

ஒரு ஆற்றின் இரு கரையிலும் ஒரு பக்கம் மூன்று பேய்கள்.மறு பக்கம் மூன்று மனிதர்கள்.

இரண்டு செட்டையும் அப்படியே ஒரு கரையிலிருப்பதை மறு கரைக்கு இடம் மாற்றனும்.

ஒரே ஒரு படகு இருக்கு.ஒரு படகில் ஒரு நேரத்தில் இருவரை மட்டுமே அழைத்துப் போக முடியும்.

ஒரு கரையில் விட்டுத் திரும்பும் போது பேய்கள் எண்ணிக்கை அதிகமாக இருந்தால் ஆபத்து.

அதாவது பேய்கள் இரண்டாகவும் மனிதன் ஒன்றாகவும்[விட்டால்] இருந்தால் பேய்கள் மனிதனைக் கொன்றுவிடும்.

இதைக் கவனத்தில் கொண்டு எப்படி இடம் மாற்றுவீர்கள்?

யோசிச்சி வைங்க குட்டீஸ்

எப்படியும் சிபி முதல்ல அட்டெண்டன்ஸ் குடுத்துடுவார்.
ஓகே ஜூட்

குட்டீஸ்..தமிழ் படிக்கலாமா

2007-07-01T08:22:00.000+05:30

ஹை குட்டீஸ்....

கண்மணி அக்கா என்னையும் சேர்த்துட்டாங்க
இந்த பிளாக்குல ...தேங்ஸ் அக்கா...

வெளியூர்ல இருக்குற குட்டீஸ்க்கு எல்லாம் ஸ்கூல தமிழ் படிக்க முடியாது இல்ல..

அவங்க எல்லாம் இதோ கீழ இருக்குற சைட் களுக்கு போய் டைம் கிடைக்கும் போது படிச்சுக்கலாம்...எல்லாமே குட்டீஸ்க்கு பிடிச்ச மாதிரி.

தமிழ் படிக்கலாமான்னு போட்டு இருக்கிறதுனால நான் சொல்லி குடுக்கப் போறேன்னு பயந்துக்க வேண்டாம்....

இன்டரெஸ்டிங்கா இருக்கும்....

http://www.tamil.net/learn-tamil/

http://www.ibiblio.org/learntamil/PDF/stories.pdf

http://tamilforkids.tripod.com/LearnTamilmp3.htm

http://talktamil.4t.com/

இன்னும் இருக்கு...அதுவும் இன்னொரு நாளைக்கு தர்ரேன்...

அக்காஸ் & அண்ணாஸ்..

நீங்களும் படிக்கலாம்....:-))..

ஆனா உங்களுக்கு எல்லாம் டெஸ்ட் வைப்பேன்..குட்டீஸ்க்கு எல்லாம் டெஸ்ட் இல்லை

கணபதிக்கும் ஒன்னு...கந்தனுக்கும் ஒன்னு

2007-06-28T19:19:00.000+05:30

தேவலோகத்தில் பார்வதியும் பரமசிவனும் பேசிக் கொண்டிருந்தனர்.

தங்கள் பிள்ளைகளில் யார் புத்தி சாலி என்பதை ஒரு சோதனை வைத்துக் கண்டு பிடிப்போம் என்று.
அதன்படி சிவன் தன் பிள்ளைகளான கணபதி,கந்தன் இருவரையும் கூப்பிட்டார்.

'பிள்ளைகளே உங்களில் யார் சூழ்நிலைக்குத் தக்கபடி புத்திசாலித் தனமாக செயல்படுகிறீர்களோ அவருக்கு பரிசாக மாம்பழம் தருவேன்.
போட்டி இதுதான் உங்களில் யார் முதலில் உலகத்தைச் சுற்றி வருகிறீர்களோ அவருக்கே பரிசு'என்றார்.

கணபதியும் ,கந்தனும் அப்படியே செய்கிறோம் தந்தையே என்று சொல்லிவிட்டுச் சென்றனர்.

சிறிது நேரம் கழித்து கணபதி வர,அதற்குப் பிறகு கந்தன் வந்தார்.
'என்ன உங்களில் யார் முதலில் உலகைச் சுற்றி வந்தவர்' சிவன் கேட்க
'நான் தான் தந்தையே என்னுடைய மயில் மீது ஏறி முதலில் வலம் வந்தேன்.ஆனால் அண்ணன் எப்படி எனக்கு முன்னால் இங்கு?'என கந்தன் கேட்க

கணபதி சிரித்தபடி,'நான் தான் முதலில் சுற்றி வந்தவன்.ஒருவருக்கு பெற்றெடுத்த தாய்,தந்தையர்தானே உலகம்.அதனால் நான் அம்மையப்பனைச் சுற்றி வந்தேன்.இது உலகத்தையே சுற்றீ வந்த மாதிரி.எனவே எனக்குத்தான் பழம்' என்றார்.

'இல்லை இதை நான் ஏற்க மாட்டேன் .தந்தை சொன்னது அகில உலகத்தையும் சுற்றி வர வேண்டும் என்று. நீ செய்ததை நான் ஒப்புக் கொள்ள முடியாது என கந்தன் வாதிட,

பார்வதி தேவி இதென்ன சோதனையெனக் கலங்க,சிவன் மட்டும் புன்முறுவலுடன்
கணபதிக்கு ஒன்று,கந்தனுக்கு ஒன்று என் இரண்டு மாம்பழங்களை ஆளுக்கு ஒன்றாகத் தந்தார்.

'தந்தையே அண்ணனுக்கு பழம் தந்தது எனக்கு வருத்தமில்லை.ஆனாலும் ஜெயித்தவன் நான் தானே சொல்லுங்கள்' என கந்தன் கேட்க

சிவன்,'குழந்தைகளே ஜெயித்தது நீங்கள் இருவருமேதான்'என்றதும் பிள்ளைகளோடு பார்வதியும் சேர்ந்து குழம்ப,

'ஒருவனுக்கு உயிர் கொடுத்து அவனை உருவாக்கி,கல்வி கேள்விகளில் சிறக்கச் செய்வது அவன் தாய்தந்தையர்.அவனுக்கான உலகத்தை வடிவமைத்துக் கொடுப்பது அவர்கள்தான்.அதனால் பெற்ற்வர்களைத் தன் உலகமாக நினைப்பது சரியே.இது உணர்வுபூர்வமானது.தியரிடிகல் லாஜிக்.இதைத்தான் கணபதி செய்தான்.

அதே நேரம் உலகம் என்றதும் அண்டசராசரங்களையும் ,கோள்களையும் அடக்கியதுதான் உலகம் என்பது கந்தனின் வாதம்.இதுவும் சரியே.இது பிராக்டிக்கல் லாஜிக்.

இருவரும் அவரவர் கோணத்தில் சிந்தித்து செயல்பட்டீர்கள்.ஓரே மாதிரி சிந்தித்து முன்னும் பின்னுமாக வந்திருந்தால் ஒருவர் மட்டுமே வென்றதாகக் கூறியிருப்பேன்.வெவ்வேறு கோணத்தில் சுயமாக சிந்தித்து செயல்பட்டதால் என்னைப் பொறுத்தவரை இருவருமே வெற்றி பெற்றவர்கள்தான்.

என்ன தேவி என் வாதம் சரியா 'என

எப்படியோ இரண்டு பேருக்கும் சண்டை வராமல் பழம் கிடைத்ததே என்று அந்தத் தாயுள்ளம் ஆமோதித்தது.

காகமும் நரியும் ..பாட்டி சுட்ட வடையும்

2007-06-27T21:43:00.000+05:30

ஒரு காகம் பறந்து போய்க் கொண்டிருக்கும் போது ஒரு மரத்தடியிலே ஒரு பாட்டி வடை
சுட்டுக் கொண்டிருப்பதை பார்த்தது.

அந்த மரத்துக் கிளை மேலே பறந்து போய் உட்கார்ந்து கொண்டு பாட்டியைப் பார்த்து,
'ஹாய் பறவை முனியம்மா பாட்டி ஹௌ ஆர் யூ ' என்று கேட்டது.

பாட்டி ஆச்சரியத்தோடு,'ஹாய் காக்கா ஐ யாம் ஃபைன் ஆமாம் என் பேரு உனக்கு எப்படித் தெரிந்தது'என்று கேட்டாள்.

'நான் தான் வாராவாரம் சன் டிவியில நீ சமைக்கிறத பார்த்திருக்கேனே'

'அது சரி இப்ப எதுக்கு இங்க வந்தே வடை திருடத்தானே'

'நோ நோ டோன்ட் மிஸ்டேக் மீ ஐ யாம் நாட் அ தீஃப் .வடை சுடும் வாசனையைப் பார்த்து வாங்கிச் சாப்பிட வந்தேன்'

'சரி சரி இந்தா சாப்பிட்டுப் பாரு'என பாட்டி குடுக்க

காகம் கேட்டுது,'ஆமா இது பிரீ ஹீட் பண்ண எண்ணையில சுட்டதா?'

'பிரீ ஹீட்டுன்ன்னா?இது ரிபைன்ட் ஆயில்லதான் சுட்டேன்'

'பிரீ ஹீட்டுன்னா நெறய முறை வாணலியில் சூடுபடுத்தி உபயோகப் படுத்தனது.அதைத் திரும்பத் திரும்ப சுட வைக்கும் போது அதன் குணம் மாறி உடம்புக்கு கெடுதல் செய்யும்.வயிற்றுக் கோளாறு,அல்சர்,அஜீரணம் எல்லாம் வரும்.ஏன் தொடர்ந்து யூஸ் பண்ணா கேன்சர் கூட வரலாம்'

'ஓ அப்படியா? இது சுத்தமான ஆயில்தான் சுட்டேன் .
இனி நான் அடிக்கடி சூடுபடுத்தியதை உபயோகிக்க மாட்டேன்.
தகவலுக்கு நன்றி.
இந்தா நீ இவ்ளோ நல்லவனா பொய் சொல்லாம திருடாம இருப்பதால் உனக்கு ஃபிரீயாவே ஒரு வடை தரேன்'என்று முனியம்மா பாட்டி வடையைக் கொடுத்தாள்.

காகம் வடையுடன் இருப்பதைப் பார்த்த ஒரு நரி தந்திரமாக அதை அபகரிக்க எண்ணி,
'ஹல்லோ மிஸ்டர் காகம் யூ ஆர் வெரி பியூட்டிஃபுல் அண்டு ய குட் சிங்கர் டூ.
ஃப்ளீஸ் எனக்காக ஒரு பாட்டுப் பாடுங்களேன்' என்றது.

காகம் ,'ஹலோ மிஸ்டர் நரி இந்த டகால்டி வேலையெல்லாம் எங்கிட்ட பலிக்காது.உனக்கு வடை வேணும்னா அங்க கண்மணி ஆன்ட்டி ஒரு பஸுல் [புதிர்] போட்டிருக்காங்க அதுக்கு சரியான பதில் சொன்னா நானே இதை உனக்குத் தரேன் என்றது.

காகம் சொன்னதைக் கேட்ட நரி இதை ஏமாத்த முடியாது எனப் புரிந்து கொண்டு ஓடி விட்டது.

ஹாய் குட்டீஸ் கதை எப்படி ஓகே வா?புடிச்சிருக்கா?

சீக்கிரம் உங்க வீட்டுப் பெரியவங்க உதவியோட புதிரைக் கண்டுபிடித்து வின்னர் ஆகுங்க குட்டீஸ்

பை
கண்மணி ஆன்ட்டீ

கண்டுபிடிங்க குட்டீஸ்...''சயாமீஸ் இரட்டையர்'' யார்?

2007-06-26T18:40:00.001+05:30

ஹாய் குட்டீஸ்

கண்மணி ஆண்ட்டீ ஸ்பீக்கிங்

உங்களுக்காக ஒரு புதிர்.[puzzle]
but in english
hope you all will do it correct

best of luck

findout the siamese twins in these following list.
hope you all know about 'siamese twins' a pair looking exactly alike.it is refered to twin children.
here i ask you to findout and match the 'pair' of words which have similar meaning and so called as 'siamese twins';);)ok?ready......

1.bits and-------
2.---------and span
3.leaps and ------
4.------and latters
5.adds and------
6.------and soul
7.fair and------
8.------and kin
9.hue and------
10.------and thin
11.bow and------
12.------and ready
13.ways and------
14.bill and------
15.-------and thrust

answers to pick up:1.cut 2.coo 3.means 4.rough 5.scrape
6.thick 7.cry 8.kith 9.square 10.ends
11.heart 12.rags 13.bounds 14.spick 15.pieces

diski:answers will be given on friday

வெல்கம் குட்டீஸ்....

2007-06-22T20:21:00.000+05:30

ஹாய்...ஹலோ...குட்டீஸ்

வெல்கம் டூ குட்டீஸ் ஜங்ஷன்

கண்மணி ஆன்ட்டீ

ஒரு குட்டிக் கதை

2007-06-22T19:14:00.000+05:30

ஒரு ஊரில் ஒரு சோம்பேறி மனிதன் இருந்தானாம்.

எந்த வேலையும் செய்யாமல் தின்பதும்,தூங்குவதும் மட்டும் செய்ததால் அவனுக்கு ஏகப்பட்ட வியாதிகள்.
வைத்தியர் வீட்டுக்குப் போகக்கூட முடியாமல்
ஒரு வைத்தியரை வீட்டுக்கு வரவழைத்தானாம்.

அவர் ஒரு பாட்டில் நிறைய சூரணம் கொடுத்து எப்போதெல்லாம் வியர்வை வருகிறதோ அப்போதெல்லாம் சாப்பிடு.சூரணம் தீர்ந்ததும் வியாதியும் பறந்துடும்னு சொன்னாராம்.

சோம்பேறி வீட்டுக்கு வந்து காத்திருந்தானாம்.

எதற்கு?எப்போது வேர்க்குமென்று.

அப்போது அவன் மனை சொன்னாளாம்'நீங்கள் ஏதாச்சும் வேலை செஞ்சாதான் வேர்க்கும்'என்று.

அவனும் தன் துணிகளைத் துவைப்பது,தோட்ட வேலை செய்வது,கடைக்குப் போவது,நிலத்தில் வேலை செய்வது என் உழைக்க ஆரம்பித்தானாம்.

ஒவ்வொரு முறை வியர்க்கும் போதும் சூரணம் சாப்பிடவும் மறக்கவில்லை.

கொஞ்சநாளிலேயே வியாதி குணமடைந்து ஆரோக்கியமாக இருந்தான்.

ஆனால் சூரணம் பாதிதான் தீர்ந்திருந்தது.

மீதியை வைத்தியரிடம் கொடுத்து விட்டு கேட்டானாம்'எப்படி பாதி மருந்திலேயே எனக்கு குணமானது'என்று.

அதற்கு அவர்'உன் வியாதி மருந்தால் தீரவில்லை.சுறுசுறுப்பான உன் வேலைகளால் சோம்பேறித்தனம் போய் குண்மடைந்து விட்டாய்.நான் கொடுத்தது மருந்தேயில்லை.வெறும் துளசி,வெல்லம் கலந்தது' என்றாராம்.

அவனும் நன்றி சொல்லி விட்டுச் சென்றானாம்.

புது வார்த்தை:சூரணம் என்பது நன்கு பொடி செய்யப்பட்ட மருந்து.

நீதி:சோம்பலை நீக்கி சுறுசுறுப்பாக இருந்தால் நோயின்றி வாழலாம்.

கதை பிடிச்சிருக்கா?

ஓகே பை குட்டீஸ்
ஆன்ட்டி

அரும்புகளுக்காக....ஒரு தளம்

2007-06-22T18:58:00.000+05:30

ஹலோ குட்டீஸ்!

நான் கண்மணி ஆன்ட்டி!

உங்களுக்கு கதை சொல்ல உங்களுடன் பேச வந்திருக்கிறேன்

கதைகள் ,ஜோக்குகள், குட்டிஸ் உங்களுக்கான செய்திகள் எல்லாம் உண்டு

படிச்சுப் பார்த்துட்டு பிடிச்சிருக்கா சொல்லுங்க.

அரும்புகள்

நாட்காட்டியில் ஒரு புதிர் விளையாட்டு

துன்பத்தை உதறித் தள்ளு...

வாழ்க்கையின் பிரதிபலிப்பு

குருட்டு விழியும் ஓவியமும்

பெட்டி நிறைய முத்தங்கள்

$ & # = ! ?

பாக்லர்ஸ் [bogglers]

வாழ்த்துக்கள்

பூப்பூவா.... பூத்திருக்கு

தொடர் எண்கள் புதிர்

TFM

யோசித்து... செயல்படு

நான் யார்?

ட்ரூடுல்ஸ்..[Droodles]..கோட்டுச் சித்திரப் புதிர்கள்

காட்சிப்பிழை

அத்திரி பாச்சா கொழுக்கட்டை

மழலையர் பாடல்கள் தொகுப்பு-9

குட்டீஸ்களுக்கு சில பாதுகாப்புக் குறிப்புகள்

மழலையர் தமிழ்ப்பாடல்கள் தொகுப்பு-8

மழலையர் பாடல்கள் தொகுப்பு-7

மழலையர் பாடல்கள் தொகுப்பு-6

மழலையர் தமிழ்ப்பாடல்கள் தொகுப்பு-5

மழலையர் தமிழ்ப்பாடல்கள் தொகுப்பு-4

மழலையர் தமிழ்ப் பாடல்கள் தொகுப்பு-3

மழலையர் தமிழிப்பாடல்கள் தொகுப்பு-2 [குழு விளையாட்டு]

மழலையர் தமிழ்ப் பாடல்கள் தொகுப்பு--1 [விலங்குகள்]

குட்டீஸ்:பத்தோடு பதினொன்றா நீங்கள்?

குட்டீஸ்:புதிர்.....போடலாமா?

தாடியும்...தூக்கமும்

குட்டீஸ்: கடிகாரங்கள் பலவிதம் காட்டும் நேரமோ ஒரே விதம்

குட்டீஸ்:கணக்கைப் போடுங்க பிறந்தநாள் கண்டுபிடிங்க.

குட்டீஸ்: பேய் உருவங்கள் செய்வோமா? பயம் காட்டுவோமா?

குட்டீஸ்!!!வேட்டையபுரம் அரண்மனையில் எத்தனை பொம்மைகள்

பூக்களில் உறங்கும் மெளனங்கள் - படம்

எத்தனை பாலின்ட்ரோம்கள்?..குட்டீஸ்:விடுமுறை விளையாட்டு-3

ஈ*ஈ*ஈ*....[குட்டீஸ்:விடுமுறை விளையாட்டு..2]

குட்டீஸ் சாண்டா செய்வோமா.............

கை நாட்டு இல்லை கலை வண்ணம் [குட்டீஸ்:விடுமுறை குறிப்புகள்]

வழி எங்கே?... போகனும் அங்கே..விடுமுறை விளையாட்டு..1

உலகின் மிகப் பெரிய ராட்சத உயிரினம்

குட்டிஸ்களின் தீபாவளி வாழ்த்துக்கள்

வாழ்த்துக்கள் அவந்தி அக்கா

சாப்பாட்டுக்குப் பின் செய்யக்கூடாதவை ஏழு...

சுருள் படங்கள் செய்வோமா?

அமிலமழைன்னா என்ன தெரியுமா?

உருண்டைப் பறவை- குட்டிஸ் கதை

குட்டீஸையும் சேர்த்துக்கோங்க கலர் போட்டிக்கு

சின்னதா இருக்கப்பவே திருத்திக்கனும் - குட்டீஸ் கதை

எந்த எண்ணையும் சுலபமாய் ஒன்பதால் பெருக்கலாம்

பத்து இல்லையெனில் பத்தாது.............

குட்டீஸ் இங்க பாருங்க Something interesting

ஆசிரியர் தினம் - குட்டீஸின் வணக்கங்கள்

குழந்தைகளுக்காக ஒரு புதிர்

விளையாட்டுலயே பாடம் படிக்கலாம்

மாடர்ன் முயலும் முட்டாள் ஆமையும்..

எல்லா அண்ணாவுக்கும்....

குட்டீஸ் விளையாட்டுக்கள்

சர்தார் ஜோக்ஸ்

குட்டீஸ் ''HAPPY FRIENDSHIP DAY''

யார் ஏழை?

குட்டீஸுக்கு ஒரு புதிர்

பேசும் மாய விளக்கு

மெத்தப் படிப்பும்....உருகிய வெண்ணையும்...

பீர்பால் கதைகள்-பண்டிட்ஜி சேவாராம்

ஆடு...புலி...புல்லுக்கட்டு...

குட்டீஸ்..தமிழ் படிக்கலாமா

கணபதிக்கும் ஒன்னு...கந்தனுக்கும் ஒன்னு

காகமும் நரியும் ..பாட்டி சுட்ட வடையும்

கண்டுபிடிங்க குட்டீஸ்...''சயாமீஸ் இரட்டையர்'' யார்?

வெல்கம் குட்டீஸ்....

ஒரு குட்டிக் கதை

அரும்புகளுக்காக....ஒரு தளம்

ஈஈஈ*....[குட்டீஸ்:விடுமுறை விளையாட்டு..2]